माधव बेल्बासे
चन्द्रौटा,१९ असार
भारतको दिल्लीमा अलपत्र परेका ६ जना नेपाली महिलाहरुलाई उद्धार गरिएको छ । गत फागुन २९ गते नेपालगंञ्जको नाका हुँदै भारत प्रवेश गरेको उनीहरुलाई तेस्रो मुलुक पुर्याईदिने भन्दै भारतको परारी जोरदा भन्ने ठाउँमा पुर्याइएको थियो । शान्ति पुनस्थापना गृहको पहलमा उनीहरुलाई शुक्रवार कृष्णनगर नाका हुदै नेपाल प्रवेश गराइएको छ । मोरङका ४ महिला,झापाकी १ महिला र पर्वतकी १ महिलालाई उद्धार गरिएको शान्ति पुनस्थापना गृहका क्षेत्रीय संयोजक भुमीराज भट्टराईले बताउनुभयो ।
महिलाहरुलाई कुबेत र ईरानमा निशुल्क पठाइदिने भन्दै भारत पुर्याएर कोठिमा थुनेर राखेको सुचनाको आधारमा त्यँहा रहेका देशभक्त आवाज सामाजिक संस्थाको समन्वयनमा उद्धार गर्न सफल भएको उहाँले बताउनुभयो । ति महिलाहरुलाई प्रलोभनमा पारेका एक महिला र एक पुरुष रहेको भन्ने सुचना प्राप्त भएको र थप अनुसन्धान भइरहेको भट्टराईले बताउनुभयो । महिलाहरुलाई शुक्रवार नै थप अनुसन्धानको लागि केन्द्रीय अनुसन्धान व्युरो काठमान्डौ पठाइएको गृहकी कपिलवस्तु संयोजक निशा पन्थीले जानकारी दिनुभयो ।
राम अवतार चौधरी कपिलवस्तु, १४ माघ । गायक उत्तम चौधरी र अन्नु चौधरीको सुमधुर सांगीतिक स्वरमा सजिएको “दिल जिगर तुहि…
प्रतिक्रिया