ghanashyam 
जनकपुरधाम : महोत्तरीको जलेश्वर कारागारका एकजना कैदीको मृत्यु भएको छ। धनुषाको बटेश्वर गाउँपालिका वडा नम्बर-१ कार्तिकुमारका ५६ वर्षीय जोगेन्द्र महराको मृत्यु भएको हो।
अचानक बेस्सरी पेट दु:खेपछि उनलाई मध्यराति प्रादेशिक अस्पताल जलेश्वरमा भर्ना गरिएको थियो। उपचारको क्रममा शनिबार राति २:३० बजेतिर उनको मृत्यु भएको कारागार प्रशासन प्रमुख अशोक क्षेत्रीले जानकारी दिए।
उनका अनुसार महरा पहिलेदेखि नै औषधि सेवन गरिरहेका थिए। २०३८ सालमा गाउँकै खेतमा भएको आगजनी घटनामा दोषी ठहर गर्दै उनलाई जिल्ला अदालत धनुषाले कैद सजाय सुनाएको थियो। त्यसबेलादेखि फरारका लिस्टमा रहेका उनलाई दुई वर्षअघि प्रहरीले पक्राउ गरी कैद भुक्तानका लागि कारागार चलान गरेको थियो।
ghanashyam 
राम अवतार चौधरी कपिलवस्तु, १४ माघ । गायक उत्तम चौधरी र अन्नु चौधरीको सुमधुर सांगीतिक स्वरमा सजिएको “दिल जिगर तुहि…
प्रतिक्रिया