काठमाडौँ । सत्तारुढ दल नेकपामा आन्तरिक विवाद सुरु भएपछि प्रतिपक्षी दलसँग हुँदै आएको बाक्लो भेटघाटलाई लिएर जनमानसमा विभिन्न चासो व्यक्त हुन थालेको भन्दै नेपाली कांग्रेसले नेकपाको विवाद र त्यसले सिर्जित हुने सत्ताप्रति कुनै चासो नभएको जनाएको छ ।
नेपाली रेडियो नेटवर्कको नेपाली बहसमा पत्रकार ऋषि धमलासँग कुरागर्दै नेपाली कांग्रेसका प्रवक्ता विश्वप्रकाश शर्माले नेकपाका नेताहरुको कांग्रेस सभापति शेरबहादुर देउवासँग बाक्लिएको भेटघाटबाट कोहि पनि ससंकित हुनुनपर्ने बताउनुभयो ।
उहाँले संसद अधिवेशन अन्त्य गर्ने अघिल्लो दिन प्रधानमन्त्री कार्यलयबाट फोन आएपछि प्रधानमन्त्रीलाई भेट्न सभापति देउवा जानु भएपनि ओलीले संसद अन्त्य गर्ने सूचना नदिएको बताउनुभयो । पछिल्ला भेटघाटले प्रश्न उठाएपनि नेकपाको विवादले ल्याउने फुटसँग कांग्रेसको कुनै चासो नभएको बताउनुभयो ।
प्रवक्ता शर्माले भन्नुभयो, ‘कसैलाई नेपाली कांग्रेसले नेकपालाई फुटाउन चलखेलमा लागेको छ भने लागेको भए त्यो गलत हो । नेपाली कांग्रेस छिमेकीको पर्खाल भत्काएर आफ्नो धुरी अग्लो बनाउन चाहदैँन । छलफलका लागि प्रधानमन्त्रीले बोलाएपछि सभापति जानुभएको र प्रधानमन्त्रीले पठाएपछि नेकपाका नेताहरु आउनुभएको हो । प्रधानमन्त्री निकट रहनुभएका नेताहरुले बढी भेट्ने र प्रधानमन्त्रीले पनि प्रतिपक्षको नेता भेटन खोज्ने काम भएको छ । यसको सन्देश नेकपामा विवाद अन्त्य नभएको अवस्थामा ओलीले पार्टी फुटाउ र कांग्रेसंग मिलेर जाने भन्ने इच्छा राख्नु भएको होला तर, यो सम्भव छैन ।’
हिजोको कांग्रेस केन्द्रीय समितिको बैठकमा सभापतिले सत्तापक्षका नेताहरुले लगातार भेटिरहेको र द्धोन्द चर्किएको विषयमा आफैले सुरुमै जानकारी गराउनुभएको शर्माको भनाई छ । उहाँले नेम्वाङसँगको भेटमा पनि नेकपाका विपक्षी नेताहरुले भने जस्तो कुनै पद र मन्त्रालयका विषयमा कुरा नभएको बताउदै पधानमन्त्री र देउवाबीचमा भेट अहिले मात्र नभएर पहिले पनि हुने गरेको बताउनुभयो ।
कांग्रेसँगको सम्बन्ध बढाएर पार्टीभित्रको विपक्षीलाई दवावमा राख्न ओलीले छलफल गरिरहेको नेकपा संस्थापनइतरका नेताहरुलाई लागेको भए यो भ्रमबाट बाहिर रहन शर्माको आग्रह छ । नेकपा विभाजन नै भएपनि कांग्रेस सत्तामा नजाने भन्दै उहाँले कांग्रेसलाई जनताले पाचँवर्ष विपक्षमा बस्ने अधिकार दिएको र त्यही बसेर सरकारका काम कारवाही नियाल्ने बताउनुभयो ।
शर्माले भन्नुभयो,‘कांग्रेसको यो विषयमा भूमिका हुदैन । हामी महाधिवेशनमा केन्द्रीत छौ र हामी पनि संर्घर्षमै छौ । यो समयमा सत्तापक्ष र विपक्षले देश र कोरोनाको महामारीलाई विर्सनु हुदैन । मान्छे मरेका छन् । बेखर्चि भएका छन् । स्वास्थकर्मी अप्ठ्योरामा परेका छन् । देशभरी बेरोजगार भएका छन् । त्यो विषयमा कांग्रेस चिन्तित छ । सत्तामा छैन् ।’
उहाँले केहिदिन अघि सम्म कांग्रेसका दिन गए भन्ने नेकपा नेताहरु फेरी कांग्रेसका दिन आए भनेर आउन थालेको टिप्पणी गर्दै यो कांग्रेसको प्राथमिकता नभएको बताउनुभयो । उहाँले भन्नुभयो,‘हामी ओली वा दाहाल को भन्ने प्रश्न गर्दैनौ । तर, यो सरकारले शासन गर्ने अधिकार गुमाएको कुरा कांग्रेसले भनिरहेको छ । बहुमत उहाँहरु सँग छ । नेकपाले जस्को नेतृत्वमा सरकार बनायो त्यो नेतृत्वबाट काम भएन ।’
राम अवतार चौधरी कपिलवस्तु, १४ माघ । गायक उत्तम चौधरी र अन्नु चौधरीको सुमधुर सांगीतिक स्वरमा सजिएको “दिल जिगर तुहि…
प्रतिक्रिया