ghanashyam 
घनश्याम भर
(विजयनगर) कपिलवस्तु, २६ फागुन ।
कपिलवस्तुकाे विजयनगर गाउँपालिका-६ बद्धाैरमा रहेकाे मंगल प्रसाद स्वतन्त्रता गुप्ता आधारभूत विद्यालयमा ४ काेठे भवनकाे शिलान्यास गरिएको छ । संघीय सांसद मंगल प्रसाद गुप्ताकाे श्रीमती स्वतन्त्रता गुप्ताले साेमबार विद्यालय भवनकाे शिलान्यास गरेकी हुन् । मंगल प्रसाद गुप्ताकाे संसदीय काेषबाट निर्माण हुन लागेकाे विद्यालय भवनकाे शिलान्यास गरिएको हाे ।
शिलान्यास कार्यक्रममा सांसद मंगल प्रसाद गुप्ताले शिक्षा क्षेत्रमा लगानी गर्दै आएका छन् । शिक्षा भए मात्र समाज परिवर्तनकाे साथै सामाजिक विकास हुँदै जाने उनको भनाइ छ । शिक्षालाई प्राथमिकतामा राखेर शैक्षिक गुणस्तरीयतालाई मध्यनजर गर्दै अगाडी बढ्नुपर्ने उनको सुझाव छ ।
यस्तै विजयनगर गाउँपालिका अध्यक्ष गाेपाल बहादुर थापाले भवन निर्माणले विद्यार्थीकाे पठनपाठनमा सहजता प्रदान हुने बताए । उनले गाउँपालिकाले शिक्षालाई प्राथमिकतामा राखेकाे बताउँदै विद्यालयकाे चाैतर्फी विकासमा लगानी गर्दै आएकाे बताए । उनले शैक्षिक सुधार र प्रभावकारितालाई जाेड दिन आवश्यक रहेकाे बताए ।
विद्यालय व्यवस्थापन समितिका अध्यक्ष राम विजय माैर्यले भवन अभावले पठनपाठनमा हुँदै आएको समस्या भवन निर्माणपछि अब समाधान हुने बताए । उनले शैक्षिक सुधार र गुणस्तरीयतामा सहज हुनुकाे साथै शैक्षिक प्रभावकारिता बढ्ने विश्वास व्यक्त गरे ।
विद्यालय भवन लगायतकाे संरचना निर्माणका लागि संघीय सरकारबाट २ कराेड ३० लाखकाे बजेट विनियोजन गरिएको प्रधानाध्यापक माेहम्मद आयुब खाँले जानकारी दिए । हाल ४ काेठे भवन १ कराेड ३० लाखमा ठेक्का भई निर्माण हुन लागेकाे उनले बताए । भवन निर्माणकाे ठेक्का शम्भु कन्ट्रक्शन काठमाडौँले पाएकाे विद्यालय प्रशासनले जनाएको छ ।
ghanashyam 
राम अवतार चौधरी कपिलवस्तु, १४ माघ । गायक उत्तम चौधरी र अन्नु चौधरीको सुमधुर सांगीतिक स्वरमा सजिएको “दिल जिगर तुहि…
प्रतिक्रिया