काठमाडौँ । नेपाली कांग्रेसका नेता डा. मिनेन्द्र रिजालले नेकपाले कांग्रेसमाथि झुटको खेती गरिरहेको आरोप लगाउनुभएको छ । प्रधानमन्त्री केपी शर्मा ओलीले कांग्रेस सभापति देउवालाई बालुवाटार बोलाए अब के के विषयमा छलफल गर्ने हो भोली कार्यव्यवस्था समितिको बैठक राखेर छलफल गरौँ भनेर सल्लाह गरेको तर, भोली पल्टै पार्टी र सभामुखलाई समेत जानकारी नगराई संसद अधिवेशन अन्त्य गरेको बताउनुभायो ।
नेपाली रेडियो नेटवर्कको नेपाली बहसमा पत्रकार ऋषि धमलासँग कुरागर्दै डा. रिजालले ओली र देउवाका बीचमा भएको भेटघाटलाई नेकपा फुटाउने र मिलेर सरकार बनाउने विषयसँग जोडेर प्रचार गरिएकोप्रति पनि आपत्ति जनाउनु भयो ।
नेता रिजालले पछिल्लो समय सत्तापक्ष र विपक्षबिचको तिक्ता अधिक बढेर गएकाले यो महामारीको समयमा यसलाई कम गर्नका लागि मात्रै दोहोरो भेटघाट भइरहेको र नेकपाको पार्टीको आन्तरिक विवादका विषयमा खासै कुरा समेत नभएको दावी गर्नुभयो । उहाँले सुवास नेम्वाङसँगको छलफलमा पनि बाहिर आए जस्तो प्रधानमन्त्रीलाई सघाउने र मन्त्रालय बाँड्ने भन्ने कुरा प्रसंगमै नआएको बताउनुभयो ।
कोराना संक्रमण रोकथामका विषयमा नेम्वाङसँग छलफल भएको र अन्त्यमा फर्किने समयमा उहाँलेनै पार्टीमा केहि विवाद भएर सरकारले पनि काम गर्न नसकिरहेकाले मिलाउने प्रयास भइरहेको जानकारी गराएको तर, सभापति देउवाले यसका कुनै धारण नराखेको रिजालको भनाई छ ।
रिजालले भन्नुभयो, ‘केपी ओलीलाई साथ दिने भन्ने विषय गलत हो । सभापतिले पनि विभिन्न नेताहरुसँग भेटनुभएको छ । मैले पनि भेटेकै हो । सुवासजी, सभापतिजी र मबीच जे कुरा भए त्यो भन्दा गलत समाचार बाहिर आयो । नेम्वाङले भेटमा पार्टीको अवस्थाका विषयमा कुरै उठाउन भएन । प्रधानमन्त्रीले अर्को पार्टीसँग मिलेर सरकार बनाउने भन्ने कुरा रत्नपार्कमा औषधी बेच्नु जस्तै हो ।’
उहाँले नेपाली कांग्रेस र नेकपाको आधा आधा शक्ति मिलेर सरकार बन्ने व्यवस्था कुनै संविधानमा नभएको भन्दै प्रधानमन्त्री फेर्ने कुरा नेकपाको संसदीय दलले मात्रै सक्ने दावी गर्नुभयो । नेकपा संसदीय दलमा निर्वाचित नभएको व्यक्तिलाई राष्ट्रपतिले प्रधानमन्त्री बनाउनै नसक्ने र नेकपाका दोस्रो तहका नेताहरुसँग कुरा हुँदा उहाँहरुले पार्टी फुटमा जान नदिने बताएको रिजालको भनाई छ ।
उहाँले भन्नुभयो,‘हाम्रो पार्टीमा पनि खचपच हुन्छ, हामी पनि फुटेर जुटेका हौ, झगडा कम्युष्टि पार्टीमा परेको छ, हामी त दर्शक मात्र हौँ, भेटघाटले सत्ताको खेल खेलिदैन ।” कोरोना नियन्त्रण गर्ने, अर्थतन्त्रको अवस्थामा सुधार ल्याउनेलगायतका विषयमा सत्तापक्ष र विपक्षबिच भेटघाट भइरहनु पर्नेमा नेता रिजालले जोड दिनुभयो ।
उहाँले नेकपा जस्तो पार्टी चीनका राजदूतको पछाडी लाग्नु लज्जास्पद भएको भन्दै एउटा पक्ष भारतले हस्तक्षेप गर्यो भन्नु र अर्को पक्षले चीनको साथ लिनुले नेकपा कस्तो पार्टीहो भन्ने नबुझिएको बताउनुभयो ।
दुइतिहाई पाएको नेपाल कम्युनिष्ट पार्टीलाई विदेशीले सरकार बनाउने र खसाल्ने काम गर्दिनुपर्ने अवस्था देखिएको रिजालको टिप्पणी छ । नेकपामा धुलो उडाएर विदेशहरु हिडिरहेको र यसले नेपालको विदेश नीति समाप्त पारेको उहाँले बताउनुभयो ।
राम अवतार चौधरी कपिलवस्तु, १४ माघ । गायक उत्तम चौधरी र अन्नु चौधरीको सुमधुर सांगीतिक स्वरमा सजिएको “दिल जिगर तुहि…
प्रतिक्रिया