गुल्मी । गुल्मीको छत्रकोट गाउँपालिकाका अध्यक्ष मधुकृष्ण पन्तको विरुद्धमा स्थानीय गाउँलेहरुले प्रदर्शन गरेका छन् । उनीहरुले अध्यक्ष पन्तका विरुद्धमा नारावाजी गर्दै गाउँपालिकाको कार्यालय घेराउ गरेका छन् । लामो समयदेखि धेरै कामहरुमा विधि र प्रक्रियालाई मिचेको भन्दै स्थानीयले उहाँका विरुद्धमा प्रदर्शन गरेका हुन् ।
गाउँपालिकामा रहेको बजेट बाँडफाँड गरेर वडा वडामा पठाउनु पर्नेमा वडालाई नदिई आफैले योजना र कार्यक्रमहरु बनाएर आफै काम गर्ने गरेको प्रदर्शनकारीहरुले आरोप लगाएका छन् । काँग्रेस नेता अनन्त पौडेल ,धाता भुसाल, मोती भण्डारीको नेतृत्वमा भएको प्रदर्शनमा सहभागीहरुका अनुसार अध्यक्ष पन्तले गाउँपालिकाका अधिकांश काम आफ्नै डोजर मार्फत् आफैले गराउने गर्नुभएको छ ।
वडा अध्यक्षहरुले बजेट माग गर्दा पनि अनेक गरेर झुलाउने र आफ्नै डोजर मार्फत् काम गराउने सर्तमा मात्रै दिने गरेको स्थानीयको भनाइ छ । अध्यक्ष पन्तले वडालाई बजेट नदिएर गाउँपालिकाको झण्डै ८० लाख र सांसद विकास कोषको झण्डै ५० लाख आफ्नै नियन्त्रणमा राखेको स्थानीयले बताएका छन् ।
पन्तले यसअघि कागतीका ५० ओटा विरुवा लगाउन २२ लाख रुपैया खर्च देखाएको भनेर यसअघि पनि विभिन्न सञ्चार माध्यममा समाचार आएको थियो । पन्तले लाखौँको अनियमितता गरेकोभन्दै धेरै ठाउँमा उजुरी दिएपनि कसैले सुनुवाई नगरेकोप्रति पनि स्थानीय बासिन्दाले आक्रोश व्यक्त गरेका छन् ।
नेकपा गुल्मीका अध्यक्ष समेत रहेका पन्तप्रति नेकपाकै नेता तथा कार्यकर्ताहरु पनि असन्तुट रहेका छन्। उहाँले कुनै पनि काम गर्दा आफ्नै पार्टी र सहयात्री दलहरुसँग समन्वय नगरी एकलौटी गर्ने गरेकोभन्दै पार्टी भित्रैबाट बेला बेलामा विरोध हुने गरेको छ ।
उहाँको भूमिकालाई स्थानीय सरकारमा हुने विक्रितीको उदाहरणका रुपमा प्रस्तुत गर्ने गरिएको छ । जनताको रगत पसिना काटेर बनाइएको सरकारी बजेटलाई पन्त जस्ता जनप्रतिनिधिले दुृरुपयोग गरेकोभन्दै स्थानीयले आक्रोश व्यक्त गर्ने गरेका छन् ।
राम अवतार चौधरी कपिलवस्तु, १४ माघ । गायक उत्तम चौधरी र अन्नु चौधरीको सुमधुर सांगीतिक स्वरमा सजिएको “दिल जिगर तुहि…
प्रतिक्रिया