विद्यालय व्यवस्थापन समितिका अध्यक्षविरुद्ध विशेष अदालतमा भ्रष्टाचार मुद्दा दायर

अख्तियार दुरुपयोग अनुसन्धान आयोगले कपिलवस्तुको एक सामुदायिक विद्यालयका प्रधानाध्यापक र विद्यालय व्यवस्थापन समितिका अध्यक्षविरुद्ध विशेष अदालतमा भ्रष्टाचार मुद्दा दायर गरेको छ ।

उनीहरूमाथि विद्यार्थीको छात्रवृत्ति, दिवा खाजा र पाठ्यपुस्तकका लागि आएको ४ लाख ४३ हजार रुपैयाँभन्दा बढी रकम हिनामिना गरेको आरोप छ ।
अख्तियारका प्रवक्ता राजेन्द्र कुमार पौडेलका अनुसार कपिलवस्तुको तौलिहवा नगरपालिका–८ स्थित श्री विश्वमैत्री आधारभूत विद्यालयका प्रधानाध्यापक विश्वम्भर रैदास र व्यवस्थापन समितिका अध्यक्ष दुर्गा थारूविरुद्ध विशेष अदालत, काठमाडौँमा आरोपपत्र दायर गरिएको हो ।

आयोगको अनुसन्धानअनुसार, आर्थिक वर्ष २०७८/७९ मा नगरपालिकाबाट विद्यालयलाई विभिन्न शीर्षकमा प्राप्त रकममाथि उनीहरूले अनियमितता गरेका थिए ।
प्रतिवादीहरुविरुद्ध चार लाख त्रिचालीस हजार चार सय तीस रुपैयाँ पचहत्तर पैसा रकम हानिनोक्सानी गरी भ्रष्टाचार गरेको जिकिरसहित अख्तियारले बिगो कायम गरेको छ ।
निज प्रतिवादीहरूले सार्वजनिक सम्पत्तिमा हानिनोक्सानी पुर्‍याई गैरकानूनी फाइदा लिएको भन्दै अख्तियारले भ्रष्टाचार निवारण ऐन, २०५९ बमोजिम कसुर गरेको दाबी गरेको छ । वैखरी

रोचक

सबै

• 

  ” #मेरोभरौल” -कविता

  अशोज ७, २०७७

• 

  गर्लफ्रेन्ड भाडामा पाईने देश

  चैत्र ११, २०७६

थारु भाषाको “दिल जिगर तुहि धडकन” अडियो म्युजिक सार्वजनिक ।।

माघ १४, २०७६

राम अवतार चौधरी कपिलवस्तु, १४ माघ । गायक उत्तम चौधरी र अन्नु चौधरीको सुमधुर सांगीतिक स्वरमा सजिएको “दिल जिगर तुहि…