Trending
समाज पोखरा हिँडेको सौर्य एयरलाइन्सको विमान दुर्घटना flash कृष्णनगर विद्युत केन्द्रद्धारा लक्ष्य अनुसारको राजस्व संकलन गर्न सफल flash नेकपा एमाले कपिलवस्तुले मनायो वृक्षरोपण गरि पुष्पलालकाे ४६ औँ स्मृति दिवस flash करोडौका सोलार भन्सार छुट गराउन चलखेल राजनीति प्रधानमन्त्री ओलीलाई विश्वासको मत दिन एमालेको ‘ह्वीप’ राजनीति मेलम्ची नआएसम्म वैकल्पिक माध्यमबाट काठमाडौँवासीलाई पानी खुवाउनू : मन्त्री यादव समाज ढोरपाटनको प्रकृतिसँग रम्न चाहने पर्यटक सडक सास्तीले बीचैबाट फर्कन्छन् समाज मामाघर गएका बालकको सेप्टिक ट्यांकीमा खसेर ज्यान गयो राजनीति भारतसँगको असमान सम्झौता नसच्याएसम्म नेपालको विकास हुँदैन : डा.बाबुराम समाज पूर्वप्रधानमन्त्री चन्दलाई भेट्न उद्योगमन्त्री अस्पतालमा

प्रदेश सरकार लगानीमा १५ करोडको खानेपानी योजना

माधव बेल्वासे
चन्द्रौटा, ७ माघ
प्रदेश न ५ सरकारको १५ करोड लगानीमा कपिलवस्तुको शिवराज नगरपालिका १ शिवपुरमा खानेपानी योजना निर्माण कार्य शुरु भएको छ । खानेपानी योजना सुचारु भएसँगै अब शिवपुरबासीले स्वच्छ पिउने पानी पाउने आशामा छन् । स्थानीयहरु अहिले खानेपानी तथा सरसफाई उपभोक्ता समिति गठन गरी निर्माण कार्यमा जुटेका छन् ।
खानेपानी आयोजनाको सर्वेक्षण कार्य सम्पन्न भएको र डिपीआरको काम अन्तिम चरणमा पुगेको छ ।१५ करोडको लागतमा निर्माण हुन लागेको खानेपानी योजनाले ३ हजार घरधुरीले स्वच्छ पानी पिउन पाउने छन । योजनामा ६० किलोमिटर पाइपलाइन विस्तार गर्ने स्टिमेट गरिएको छ । शिवराज नगरपालिका वडा न १ को शिवपुर गाउँ,उमरी गाउँ,बेलौती,कलौनी,वडा न ३ को वलुहवा,मझगाउँ,काफठुठ्ठा लगाएतका गाउँका नागरिकले खानेपानी पाउनेछन ।
खानेपानी योजना समितिले एक कार्यक्रमको आयोजना गरी प्रदेश सदस्य अर्जुन कुमार के.सी.द्धारा खानेपानी बोरिङको सिलन्यास गरिएको छ । सिलन्यास कार्यक्रमलाई सम्बोधन गर्दै प्रदेशसभा सदस्य के.सी.ले योजनालाई जिल्लाकै नमूना बनाउन स्थानीय उपभोक्ता जुट्नुपर्नेमा जोड दिनुभयो । धाराको पानी सोझै हातले थापेर पिउन सकिने किसिमको बनाउन सबैले निगरानी बढाउनुपर्ने सुझाव दिनुभयो । सरकारले हरेक नागरिकको जीवनस्तर उकास्ने खालको योजना अघि सारेकाले अबको ५ वर्षभित्र देशको समृद्धिमा ठूलो परिवर्तन देखिने दाबी गर्नुभयो । हरेक नागरिकका लागि रोजगारी सृजनाका लागि आफूले समेत सोही अनुसारको भिजन बनाई अघि बढ्ने विश्वास व्यक्त गर्नुभयो ।
कार्यक्रममा शिवराज नगरपालिकाकी उपप्रमुख शिवकुमारी थारुले खानेपानी योजनाले शिवराज १ को विकासमा ठूलो सहयोग पु¥याउने विश्वास व्यक्त गर्नुभयो । शिवपुरका बासिन्दाको हरेक स्थानमा सहभागिता भएपनि विकासमा उपेक्षित हुँदै आएका औल्याउँदै खानेपानी योजनाका लागि महत्वपूर्ण भूमिका खेल्ने प्रदेशसभा सदस्य के.सी.प्रति आभार प्रकट गर्नुभयो ।
यता वडा नं. १ का वडाध्यक्ष जगतबहादुर जि.सी.ले खानेपानी योजनाले शिवपुरबासीमा उत्साह थपिएको बताउनुभयो । ९५ प्रतिशत रोग पानीकै कारणबाट लाग्ने औल्याउँदै वडाध्यक्ष जि.सी.ले स्वच्छ खानेपानी योजनाले शिवपुरबासीलाई स्वास्थ्य लाभमा ठूलो टेवा पुग्ने विश्वास व्यक्त गर्नुभयो । कार्यक्रम सफलताको कामना गर्दै उनले आगामी दिनमा वडाबाट हुनसक्ने हरेक किसिमको सहयोग गर्ने प्रतिबद्धता समेत जाहेर गरे । उपभोक्ता समिति अध्यक्ष ढुण्डीराज अधिकारीले योजना सफल पार्न सबैको सहयोगको अपेक्षा गर्नुभयो ।

प्रतिक्रिया

रोचक

सबै
थारु भाषाको “दिल जिगर तुहि धडकन” अडियो म्युजिक सार्वजनिक ।।
माघ १४, २०७६

राम अवतार चौधरी कपिलवस्तु, १४ माघ । गायक उत्तम चौधरी र अन्नु चौधरीको सुमधुर सांगीतिक स्वरमा सजिएको “दिल जिगर तुहि…

Recent Posts

TOP