विसाल के.सी. चन्द्रौटा
कपिलवस्तुको शिवराज नगरपालिकामा गत पौष १४ देखि २८ सम्म संचालन भएको छैठौं चन्द्रौटा महोत्सव स्थाल अहिले दुर्गन्धित र फोहोर भएको छ । केहि साता अगाडी निकै तामझाम भएको क्षेत्र अहिले डम्पिङ्ग साइट जस्तै भएको छ । चन्दौटा महोत्सव सकिएको १८ दिन विति सक्दा समेत महोत्सव स्थलको फोहोर उठेको छैन । महोत्सव सकिए लगैत सोहि स्थानमा थारुहरुको माघि पर्व विशेषमा थारु कल्याणकारी सभा शिवराज नगर समितिले ३ दिने माघि खिचडी महोत्सव संचालन गरेको थियो । मेला महोत्सवका लागी खाली मैदान प्रयोग गर्ने तर सरसफाई तर्फ भने दुबै मेला आयोजकले चासो नदिदाँ मेला स्थाल डम्पिङ्ग साइट बनेको छ । महोत्सव स्थल प्रवेश गरेदेखि नै नाम छोप्नु पर्छ । चौरमा जथाभावी फालिएका प्लास्टिक कप र मदिराका बोतलहरु खुट्टा ठोकिन आउँछ । अस्तव्यस्त रुपमा फ्याकिएका खानेकुराको कुहिएको दुर्गन्ध नजिकैको बस्ति सम्म पुगेको छ । मेलामा शौचालय राखिएको ठाँउ त पुरै डम्पिङ्ग साइट नै बनेको छ त्यता त झन जानै सकिदैन । “कस्ले हो यो फोहोर उठाउने अझै कति दिन सम्म यस्तो फोहोर दुर्गन्ध आउने हो ” स्थानियले भने । यतिका दिन भयो दिन वित्यो तर फोहोर उठाउने र यसको व्यवस्थापन गर्ने तर्फ भने कसैको ध्यान गएको छैन । दुर्गन्धले महामारी फैलिने सम्मको डर भइ सक्यो तर फोहोर उठाउने तर्फ कसैले ध्यान दिएनन । छैंठौं चन्द्रौटा महोत्सव आयोजक चन्द्रौटा उद्योग वाणिज्य संघले भने व्यस्तताका कारण समयमा नै फोहोर व्यवस्थापन गर्न नसकेको जनाएको छ । समयमा नै फोहोर व्यवस्थापन गर्नु पर्ने हो , हाम्रो व्यस्तताले गर्दा सकेनौ यसको कारणले जनतामा पर्ने गएको नराम्रो प्रभाव प्रति आयोजकले आफ्नो गम्भिर ध्यान गएको जनाएछ । हामी शनिबार महोत्सव स्थलको फोहोर व्यवस्थापन गर्ने छौं संघका अध्यक्ष जमशेर अलि मियाँले बताए । यता माघि महोत्सवका संयोजक इनर चौधरीलाई सम्पर्क गर्न खोज्दा भने उनको मोवाइल अफ आएको थियो ।
राम अवतार चौधरी कपिलवस्तु, १४ माघ । गायक उत्तम चौधरी र अन्नु चौधरीको सुमधुर सांगीतिक स्वरमा सजिएको “दिल जिगर तुहि…
प्रतिक्रिया