एजेन्सी, ५ असार । भारतमा अर्बपतिहरुको संख्या वर्षेनी बढिरहेको छ । अर्बपतिहरु दैनिक अर्ब भारतीय रुपैयाँको सम्पत्ति थपिरहेका छन् । उनीहरु सम्पत्ति कमाइरहँदा दान पनि त्यतिकै गरिरहेका छन् ।
भारतमा अर्बपतिहरुमा दानवीर बन्ने होडवाजी नै चलेको छ । ठूलो अर्बपतिहरु दैनिक करोडौं रुपैयाँ दान गर्न थालेका छन् ।
पीटीआइका अनुसार भारतका अर्बपति अजिम प्रेमजीले दैनिक सरदर २२ करोड भारु दान गरेका छन् । उनले गत वर्ष ७९०४ करोड भारु दान गरेका छन् । प्रेमजीको आइटी क्षेत्रमा व्यवसाय छ ।
शिव नाडारले गत वर्ष ७९५ करोड भारु दान गरेका छन् । उनले त्यो भन्दा अघिल्लो वर्ष ८२६ करोड दान गरेका थिए ।
एशियाका सबैभन्दा धनाढ्य मुकेश अम्बानीले ४५८ करोड दान गरेका छन् । उनले विगत वर्षको तुलनामा दान रकम बढाएका छन् ।
आदित्य बिरला ग्रुपका कुमार मंगलम बिरला बढी दान गर्नेमध्ये चौंथो स्थानमा छन् । उनीपछि वेदान्त ग्रुपमका अनिल अग्रवाल दानवीर देखिएका छन् ।
भारतका यी अर्बपतिहरुले स्वास्थ्य, सामाजिक र शिक्षा क्षेत्रमा बढी दान गरेका छन् । उनीहरुले समाज विकासमध्ये महिला सशक्तिकरण र बालबालिकाको शिक्षामा पनि दान गर्दै आएका छन् ।
राम अवतार चौधरी कपिलवस्तु, १४ माघ । गायक उत्तम चौधरी र अन्नु चौधरीको सुमधुर सांगीतिक स्वरमा सजिएको “दिल जिगर तुहि…
प्रतिक्रिया