पर्वत ।
अन्य अन्नबालीले भन्दा सुन्तलाले राम्रो आम्दानी हुन थालेपछि किसानहरू सुन्तला खेतीतर्फ आकर्षित भएका छन् ।
पर्वत र बागलुङमा सुन्तला खेती बिस्तार हुन थालेको छ । किसानहरू अन्य खेती छोडेर सुन्तला खेतितर्फ लागेका छन् । सुन्तला खेतीबाटै बागलुङ र पर्वतका किसानले लाखौं आम्दानी गरिरहेका छन् ।
उमेर ६१, तर जाँगर युवाको भन्दा कम छैन । २०४९ सालमा सात वटा बोट रोपेर सुन्तला खेती गर्न थाल्नुभएका बागलुङको जैमिनी नगरपालिका ४ सर्कुवाका खगेश्वर सुवेदी अहिले पूर्ण रुपमा व्यवसायिक बन्नुभएको छ ।
सुवेदीले भन्नुभयो, ‘१३/१४ रोपनी क्षेत्रफलमा सुन्तला खेती छ । त्यसमाचाहिँ पोहोर, त्यस्तै दुई/ढाइ लाखको बेचेको हुँ । भविष्यमा १२/१५ लाख, २० लाखसम्म बेच्न सकिन्छ जस्तो लागेको छ । ’
सुवेदीले अगाडि भन्नुभयो,‘बिरुवाहरू हुर्कदैंछन् । तीनसय बिरुवा हुर्कदैंछन्, यतिबेला फलेकाचाहिँ तीनसय ५० बिरुवा होलान् ।’
बुढापाका मात्रै हैन, विदेश गएर फर्किएका र जाने तयारीमा रहेका युवा पनि सुन्तला खेतीमा रमाउन थालेका छन् । मोदी २ देउपूरका गंगाकुमारी शर्माले सुन्तला खेती गर्न थालेपछि विदेशमा भएका श्रीमान पनि गाउँ फर्किनुभयो ।
शर्माले भन्नुभयो, ‘खाडीमा घाम खाएर बस्नुभन्दा यही खेती गरौं भनेर बोलाएको हुँ । दुईसय ५० बोट सुन्तला लगाएका छौं, दुईसय बोट फल्ने क्रममा छ ।’
गल्कोट नगरपालिका १ वागलुङका नेत्रबहादुर बुढाथोकीले पनि खेतबारीमा अन्नबाली लगाउन छोडेर सुन्तला रोप्नुभएको छ । बुढाथोकी, ६ मुरी अन्न नफल्ने बारीबाट १६ लाखको सुन्तला बेचेपछि दङ्ग हुनुहुन्छ । उहाँले गल्कोटमा चिस्यान केन्द्र भए किसानलाई झनै राम्रो हुने बताउनुभयो ।
उहाँले भन्नुभयो, ‘जति जग्गा छ, त्यो सबैमा सुन्तला लगाएको छु । कोल्डस्टोर भयो भने, सुन्तला जुन सिजनमा फल्छ त्यो सिजनमा टिपेर राखेर अपसिजनमा बेच्दा धेरै मुल्य लिन सकिन्छ ।’
महाशिला गाउँपालिका ५ ढाँडखर्कका टेकबहादुर गुरुङले २०५४ सालदेखि सुन्तला खेती गर्नुभएको छ । भारतीय सेनाबाट अवकाश भएपछि सुन्तला खेती गर्नुभएका गुरुङ गाउँका अरुलाई पनि सुन्तला खेती गर्न प्रेरित गर्नुहुन्छ ।
पर्वत र बागलुङबाट वर्षेनी २५ करोडको सुन्तला विक्री हुने गरेको छ ।
राम अवतार चौधरी कपिलवस्तु, १४ माघ । गायक उत्तम चौधरी र अन्नु चौधरीको सुमधुर सांगीतिक स्वरमा सजिएको “दिल जिगर तुहि…
प्रतिक्रिया