कपिलवस्तु
कपिलवस्तुको शिवराज नगरपालिकाले निर्माण गरेको सडक ५ महिनामै भत्किएको छ । नगरको वहुवर्षिय योजना अन्तर्गत शिवराज नगरपालिका ५ बुडिडहवा देखि सुन्दरपुर स्कुल सम्मको अधिकांश सडक भासिएको छ । २ सय ८७ मिटर लम्बाईको उक्त सडक भासिन र भत्किन थालेपछि स्थानियहरुले नगरपालिका माथि प्रश्न उठाउन थालेका छन् । नगरपालिकाको झण्डै १७ लाखको लागतमा निर्माण भएको उक्त सडक गुणस्तरीहिन बन्दा नगरपालिकाले भने अहिले सम्म चासो दिएको छैन् । जनताको करको रकम यसरी कालोपत्रेको नाममा चरम दुरुपयोग र भद्दा मजाक देखिएको छ ।
निर्माण सम्पन्न हुँदा देखि नै सडक भासिन थालेको स्थानिय लगुं थारुले बताउनुभयो । सडकमा कमसल सामाग्री प्रयोग हुदाँ सडक भासिएको छ,विकासको नाममा गुणस्तरीहिन सडक निर्माण गर्नु गलत हो, थारुले भन्नुभयो । नया माटो पटानका कारण भासिएको हुन सक्ने नगपालिकाका प्राविधिक बसन्त पन्थीले बताउनुभयो । “सडक भासिएको कुरा आएको छ, त्यो सडक निर्माण कम्पनिले पुन सडक बनाउने छ, पन्थिले भन्नुभयो ।
निर्माण कम्पनी खनाल निर्माण सेवाले भने स्टिमेट अनुसार नै काम गरेको जनाएको छ । निर्माण कम्पनीका खिमलाल खनालले गुणस्तरीय सडक बनेको दावि गरेका छन् । यसरी निर्माण भएको पाँच महिनामै सडक भत्किदा नगरपालिकाककै मिलोमत्तोमा कमसल सामाग्री प्रयोग गरिएको नागरिकहरुले आंशका गरेका छन् ।
राम अवतार चौधरी कपिलवस्तु, १४ माघ । गायक उत्तम चौधरी र अन्नु चौधरीको सुमधुर सांगीतिक स्वरमा सजिएको “दिल जिगर तुहि…
प्रतिक्रिया