खाेटाङ – वर्षाका कारण कच्ची सडक हिलाम्मे हुँदा खोटाङमा एम्बुलेन्स सेवा प्रभावित भएको छ । हिउँद याममा सञ्चालन हुने खाेटाङका दर्जनौँ सडक वर्षाका कारण अवरुद्ध हुँदा एम्बुलेन्स आवतजावतमा कठिनाइ भएको हो ।
सडक अवरुद्ध हुँदा १० पालिकामा बिरामी ओसार–पसारमा प्रयोग हुँदै आएको एम्बुलेन्स सेवा प्रभावित भएको हो । वर्षा याममा कच्ची सडकमा ठाउँठाउँमा पहिरो खस्ने र कतिपय ठाउँमा भासिने गरेका कारण एम्बुलेन्स सञ्चालन असहज भएको ऐँसेलुखर्क गाउँपालिकाकी उपाध्यक्ष पुष्पकला भुजेलले बताउनुभयो ।
खाेटाङमा बनेका दर्जनौँ कच्ची सडकमध्ये अहिले मध्यपहाडी लोकमार्ग अन्तरगत दिक्तेल–दोर्पाचिउरी डाँडा र दिक्तेल–जयराम सडक मात्र सञ्चालनमा छ । मध्यपहाडी लोकमार्गको कालोपत्रे गरिसकिएका खण्डमा मात्र हिउँद वर्षा गाडी सञ्चालन हुने अवस्था बनेको छ । तर, जिल्लाका अन्य सहायक तथा शाखा कच्ची सडकमा ट्र्याक्टर बाहेक अन्य गाडी गुड्ने अवस्था छैन ।
मध्यपहाडी लोकमार्गले छोएको दिक्तेल रुपाकोट मझुवागढी नगरपालिका र हलेसी तुवाचुङ नगरपालिकाको अन्य शाखा सडकको अवस्था समेत नाजुक छ । कच्ची बाटो बिग्रेकाले एम्बुलेन्स लगायतका गाडी सञ्चालनमा कठिन भइरहेको रावाबेँसी गाउँपालिकाका अध्यक्ष लिलानाथ निरौलाले बताउनुभयो ।
मोटरसाइकल समेत हिलोमा गाडिएका तस्बिर सामाजिक सञ्जालमा राखेर पालिकाका जनप्रतिनिधिमाथि आक्रोश पोख्ने गरिएको छ ।
राम अवतार चौधरी कपिलवस्तु, १४ माघ । गायक उत्तम चौधरी र अन्नु चौधरीको सुमधुर सांगीतिक स्वरमा सजिएको “दिल जिगर तुहि…
प्रतिक्रिया