माधव बेल्बासे
कपिलवस्तु चन्द्रौटा
उद्योग वाणिज्य महासंघका केन्द्रिय सदस्य जमसेर मियाँले मदरसामा अध्यानरत एक हजार विद्यार्थीलाई जुस र मिठाइ वितरण गर्नुभएको छ । मुस्लिमहरुको महान पर्व महोर्रमको अवसरमा मियाँले शिवराज नगरपालिका भित्र रहेका ६ वटा मदरसामा अध्ययानरत विद्यार्थिहरुलाई विहिवार जुस र मिठाइ बितरण गर्नुभएको हो ।
मदरसामा पुगेर वितरण गर्दै मियाँले सद्भावको नगर भएकै कारण यहाँ सबै समुदायको चाडपर्वमा सबैको उत्तिकै आस्था रहेको बताउनुभयो । हिन्दू, मुस्लिम, शिख, इसाइलगायतका समुदाय एक अर्काका धर्म, संस्कृति र परम्परासँग जोडिएकोले सबैको आस्था सबै धर्मसँग जोडिएको उहाँले बताउनुभयो । सत्यको जितको पर्वको रुपमा लिने महोरर्म पर्वको ईतिहासको वारेमा विद्यार्थीहरुलाई जानकारी गराउँने उद्देश्यले जुस र मिठाई बितरण गरेको उहाँले बताउनुभयो ।
मुस्लिम समुदायको अगुवा मियाँले महोरम पर्व हिन्दु धर्मालम्बिहरुले पनि मनाउने भएकोले धार्मिक एकतको सन्देशको रुपमा प्रवाह गरिरहेको बताउनुभयो । कोरोनाका कारण ताजिया राख्ने तथा विर्सजन गर्न नसकेपनि सबैलाई सुरक्षा मापदण्ड पालाना गरेर पर्व मनाउन अनुरोध गर्नुभयो ।
इराकको कर्बलामा शहीद हुनुभएका पैगम्बर हजरत मोहम्मदका नातिहरू हजरत इमाम हुुसैन र हजरत इमाम हसनको सम्झनामा मुस्लिम धर्मावलम्बीहरुले हरेक वर्ष विविध कार्यक्रम गरी मोहर्रम मनाउँदै आएका मौलाना अब्बास अलिले बताउनुभयो । अलिले विद्यार्थीहरुलाई महोरम पर्वको वारेमा प्रवचन समेत दिनुभएको थियो ।
थुन्निया,चनई,सौनी,पिपरी,चन्द्रौटा र विसनपुरका मदरसामा पुगि उक्त सामाग्री वितरण गरिएको हो । मौलाना ईफ्लेखार,वडा प्रहरी कार्यालय चन्द्रौटाका प्रहरी नायव निरिक्षक तारा खनाल लगाएतको टोलीले सभ्य भव्य र सुरक्षित भएर महोरम पर्व मनाउन आग्रह गरेको छ ।
पैगम्बर हजरत मोहम्मदका नातिहरूकोे सम्झनामा मोहर्रम महिनाको १ तारिखदेखि १० तारिखसम्म विविध कार्यक्रम गरेर मनाइने यो पर्वमा हुसैन र हसनको सम्झामा ताजिया राखिने परम्परा छ ।
राम अवतार चौधरी कपिलवस्तु, १४ माघ । गायक उत्तम चौधरी र अन्नु चौधरीको सुमधुर सांगीतिक स्वरमा सजिएको “दिल जिगर तुहि…
प्रतिक्रिया