काठमाडौं । हरेक वर्ष संयुक्त राष्ट्रसंघको महासभा बैठकको क्रममा हुने दक्षिण एसियाली सहयोग संगठन (सार्क) का परराष्ट्रमन्त्रीहरुको साइडलाइन वार्ता यस वर्ष नहुने भएको छ ।
सो वार्तामा अफगानिस्तानको प्रतिनिधित्वको विषयमा सदस्य मुलुकहरुबीच कुरा नमिल्दा बैठक नहुने भएको छ । सेप्टेम्बर २५ मा वार्ताको मिति तय भएपनि अहिलेलाई रद्ध गरिएको आयोजक मुलुक नेपालले अन्य मुलुकलाई जानकारी गराएको छ ।
काठमाडौंस्थित सार्क सचिवालयले सबै मुलुकलाई बैठक रद्ध गरिएको जानकारी गराइसकेको स्रोतले बतायो । हरेक वर्ष हुने सो बैठक सार्कलाई अगाडि बढाउने सम्बन्धमा छलफल हुने गर्दथ्यो ।
यो पनि पढ्नुहोस
परराष्ट्रमन्त्रीको कार्यभार सम्हालेलगत्तै डा. खड्का न्यूयोर्क जाँदै
यस अगाडि भारत र पाकिस्तानको तनावको कारण कमजोर बनेको सार्कमा अब अफगानिस्तानको विषय पनि आएको छ । परराष्ट्र मन्त्रीहरुको बैठक रद्ध हुनुलाई अर्काे ‘सेटब्याक’को रुपमा लिइएको छ ।
भारत र पाकिस्तानबीचको शत्रुतापूर्ण व्यवहारका कारण हाल सार्क निष्कृय छ । पछिल्लोपटक २०७१ साल मंसिरमा नेपालमा १८ औं सार्क शिखर सम्मेलन भएको थियो । १९ औं शिखर सम्मेलन पाकिस्तानमा गर्ने निर्णय भए पनि अझैसम्म हुन सकेको छैन ।
राम अवतार चौधरी कपिलवस्तु, १४ माघ । गायक उत्तम चौधरी र अन्नु चौधरीको सुमधुर सांगीतिक स्वरमा सजिएको “दिल जिगर तुहि…
प्रतिक्रिया