Trending
समाज आज पनि देशका केही ठाउँमा हल्का पानी पर्ने राजनीति न्यायालयको गरिमाका लागि निकास दिन प्रधानन्यायाधीशलाई पूर्वन्यायाधीशहरुको आग्रह राजनीति एमाले वडा अधिवेशन आज‚ अध्यक्ष ओलीले भर्चुअल माध्यमबाट उद्घाटन गर्ने समाज विराटनगर विमानस्थल आजदेखि सञ्चालनमा आउने समाज प्रतिवेदन लागू गर्न प्रधानन्यायाधीशलाई बारको १५ दिने अल्टिमेटम खेल मैत्रीपूर्ण फुटबलमा नेपाली २३ वर्षमुनिकाे फुटबल टोली इन्डोनेसियासँग २–० ले पराजित flash शिवराजमा नेकपा एसकाे फेरि भ्रमकाे खेती, आफू नेकपा एमालेमै रहेकाे राधेश्याम थारूकाे भनाई समाज कानुन व्यवसायीको तयारी : प्रधानन्यायाधीशको राजीनामा नआए आन्दोलन समाज फाइजरको एक लाख डोज खोप सोमबार नेपाल आइपुग्ने खेल विकासले च्यासलबाट ए डिभिजन लिग खेल्ने

जब विदेश हिँडेका व्यक्ति थाहै नपाइ लागूऔषध कारोबारी बने…

काठमाडौं । लागूऔषध नियन्त्रण ब्यूरो (एनसीबी) ले २१ भदौमा कतार एयरवेजको उडानमार्फत दोहा जान लागेका म्याग्दीका श्यामप्रसाद रोका र वीरबहादुर मगरलाई पक्राउ गर्‍यो ।

विमानस्थल सुरक्षामा खटिएका अधिकारीले उनीहरुको सुटकेसको एक्सरेमा शंकास्पद दृश्य देखेपछि ब्यूरोलाई खबर गरेका थिए । खोलेर हेर्दा दुई जनाको साथबाट ४ किलो ३५ ग्राम लागूऔषध चरेश बरामद भयो ।

लागूऔषधबारे अनुसन्धान गर्ने प्रहरीको विशिष्टकृत इकाइ एनसीबीको टोलीले उनीहरुलाई सार्वजनिक गर्न हतार गरेन । बरु रोका र मगरमार्फत १६ दिन लामो ‘अपरेशन ह्यास’ चलाएर चरेश किनबेचमा संलग्न एउटा गिरोहलाई मात्र समातेको छैन, चरेश लुकाउन तयार पारिएको कारखानै फेला पारेको छ ।

ब्यूरोका प्रमुख हृदय थापाका अनुसार विभिन्न लेयरमाथि अनुसन्धान गर्दै गर्दा प्रहरीले कपनमा लागूऔषध चरेश लुकाउन प्रयोग गरिने ह्याण्डी क्राफ्टका सामान बनाउने काराखानासम्म पुगेको थियो ।

‘कारखानामा उनबाट बनाइएका विभिन्न रंगका ह्याण्डी क्राफ्ट र नेपाली कागजबाट बनेका विभिन्न रंगका डायरी बरामद भएको छ’ प्रहरी वरिष्ठ उपरीक्षक (एसएसपी) थापाले भने, ‘ती सामग्रीमा फल्सबटम बनाएर चरेश तस्करी हुन लागेको भेटिएको छ ।’

चरेश तस्करीका मुख्य नाइके सेसे भनिने उर्पा तामाङ र वीरबहादुर तामाङलाई पक्राउ गरिएको प्रहरीले बताएको छ । ब्यूरोका एसपी जीवन श्रेष्ठका अनुसार उनीहरुले एक भारतीय नागरिकसँग मिलेमतोमा उनीहरुले भारत हुँदै हङकङ, थाइल्याण्ड र टर्कीसम्म चरेश पुर्‍याउने गरेका थिए ।

‘विमानस्थलबाट लैजान कडाइ भएपछि स्थलमार्ग प्रयोग हुने गरेको थियो’ उनी भन्छन्, ‘कोभिड–१९ भाइरसका कारण हङकङ निर्यात गर्न नसकेकाले दोहा पठाउन खोजिएको पाइएको छ ।’

जो थाहै नपाई लागूऔषध कारोबारी बने

ब्यूरोका एसएसपी थापाका अनुसार सेसे र वीरबहादुरले वैदेशिक रोजागारीमा जान लागेका व्यक्तिलाई प्रयोग गरेर लागूऔषध तस्करीको प्रयास गरेका थिए । प्रहरीका अनुसार ब्यूरोले विमानस्थलबाट चरेशसहित पक्राउ गरेका रोकाद्वयलाई उनीहरुको लगेजमा लागूऔषध छ भन्ने थाहै थिएन ।

‘उड्नु अघिल्लो दिन दुई जनालाई राखेर वियर खुवाएका रहेछन्, साँझ बस्दा ७/७ हजार तिरिदिएछन्’ थापाले भने, ‘त्यतिको भरमा बुद्धिस्ट कपडा छ भनेर सुटकेश जिम्मा लगाएको खुलेको छ ।’

थापाका अनुसार उनीहरुले झोलामा के छ भनेर हेरेका पनि थिए, फल्स बटम बनाएर लुकाएका कारण लागूऔषध देखेनन् । र, विदेश जानुपर्ने व्यक्ति लागूऔषधसम्बन्धी कसूरमा हिरासत पुगेका छन् ।

उनीहरुलाई पक्राउ गरेर सोधपुछ गर्ने क्रममा म्याग्दीका दिलबहादुर गुरुङ, धादिङका अनिलबहादुर घले र सुनबहादुर गुरुङसम्म प्रहरी पुगेको थापा बताउँछन् ।

‘अनिल र सुनबहादुरले माइला भन्ने कृष्णबहादुर तामाङ र याङ्की भन्ने जितबहादुर तामाङले भनेअनुसार विदेश जाने मानिसको खोजी गरेका थिए’ थापा भन्छन्, ‘उनीहरुले दिलबहादुर रोकामार्फत दुई जना विदेश जाने मानिस भेटेका थिए ।’

तीनै जनालाई भेटेपछि प्रहरीले कृष्ण र जितबहादुरलाई पक्राउ गरेको थियो । त्यसक्रममा कृष्ण विदेशमा चरेश पठाउने मध्येका एक भएको खुल्यो भने जितबहादुर उनको सहयोग रहेको भेटिएको थापाको भनाइ छ ।

उनीहरुलाई सोधपुछ गर्ने क्रममा चरेश तस्करीका नाइके सेसे र वीरबहादुर तामाङसम्म प्रहरी पुगेको थियो ।

जेल बस्दा सीप सिके, छुटेपछि त्यसैलाई अपराधमा जोडे

एसएसपी थापाका अनुसार नुवाकोटको विदुर नगरपालिका–१३ का सेसे ३ कात्तिक २०५४ मा लागूऔषध खैरो हेरोइनसहित पक्राउ गरेका थिए । केन्द्रीय कारागार, सुन्धारामा १९ वर्ष जेल सजाय काटे ।

जेलमा बस्दा उनले ह्याण्डी–क्राफ्ट बनाउने तालिम लिएका थिए । २०७३ मा रिहा भएका उनले जेलमा सिकेको सीपलाई फेरि लागू औषध कारोबारको टूलको रुपमा प्रयोग गरेको पाइएको छ ।

उनले ह्याण्डी क्राफ्टमै लुकाएर लागूऔषध कारोबार गर्न थालेको पाइएको ब्यूरोका प्रवक्तासमेत रहेका एसपी श्रेष्ठ बताउँछन् ।

उनका अनुसार चरेश कारोबारका लागि उनीसँग चाहिने जति रकम थिएन । पहिले तोकिएको जरिवाना तिर्न नसक्दा थप ४ वर्ष जेल बस्नुपरेको थियो । त्यसैले चरेश खरिदका लागि उनलाई नुवाकोटका वीरबहादुर तामाङले सहयोग गर्ने गरेको प्रहरीको भनाइ छ ।

प्रहरीका अनुसार सेसेले हङकङ जाने व्यक्तिलाई सीपमुलुक तालिमको नक्कली प्रमाण पत्र पनि विक्री गर्ने गरेको भेटिएको छ ।

श्रेष्ठका अनुसार पक्राउ परेका ९ जनाविरुद्ध लागूऔषध नियन्त्रण ऐन, २०३३ अनुसार विस्तृत अनुसन्धान भइरहेको छ । उनीहरुमाथिको अभियोग पुष्टि एकदेखि ३ वर्षसम्म जेल सजाय हुनसक्छ ।

प्रतिक्रिया

रोचक

सबै
थारु भाषाको “दिल जिगर तुहि धडकन” अडियो म्युजिक सार्वजनिक ।।
माघ १४, २०७६

राम अवतार चौधरी कपिलवस्तु, १४ माघ । गायक उत्तम चौधरी र अन्नु चौधरीको सुमधुर सांगीतिक स्वरमा सजिएको “दिल जिगर तुहि…

Recent Posts

TOP