Trending
flash नेपालको तराई लगायत विश्वभरि मनाउने गरिन्छ करवा चौथ flash प्रदेश सरकारबाट विनियोजित सञ्चार बजेटको भ्रमपूर्ण समाचार प्रति बुद्ध दर्पणको ध्यानाकर्षण खेल टी-२० विश्वकप : बंगलादेशविरुद्ध श्रीलंकाको ५ विकेटको जित समाज दाङमा बस दुर्घटना हुँदा १ जनाको मृत्यु, २१ घाइते राजनीति प्रदेश १ प्रदेशसभा बैठक : कात्तिक १५ सम्म स्थगित, कांग्रेसमै भाँडभैलो flash विजयनगरमा आज ६० प्रतिशत बढिलाई भिटामिन ‘ए’ र जुकाको औषधि खुवाइयो समाज पाँच वर्षमा १ लाखभन्दा बढी सवारी दुर्घटना, १० हजारभन्दा बढीको मृत्यु समाज सर्वोच्चका १४ न्यायाधीशले पूर्ण बैठक बहिस्कार गर्ने राजनीति चार वर्षअघि हारेका थिए, फेरि मत गन्दा २ भोटले वडाध्यक्ष जिते flash टोल विकास संस्था व्यवस्थापन तथा नेतृत्व विकास सम्बन्धि क्षमता अभिवृद्धि तालिम सुरु

तालिबानले चार अपहरणकारीको शव चोकमा झुण्ड्याएर दिन खोजेको सन्देश

काठमाडौं। तालिबानले अफगानिस्तानको राजधानी काबुल कब्जा गरेको एक महिनाभन्दा बढी भइसक्यो । २० वर्षसम्म विदेशी फौजसँग लडेको तालिबानले अन्तिममा आएर कुनै रक्तपातबिनै सत्तामा आएको छ । तर आजको मितिसम्म कुनै मुलुकले पनि उसको सत्तालाई मान्यता दिएको छैन ।

सन् ९० को दशकमा तालिबानले निकै अमानवीय र क्रुर तबरले सत्ता चलाएको थियो । उसको पुरानो छविले विश्व समुदाय सशंकित बनेको छ । यही भएर पश्चिमासहितका अधिकांश मुलुकले तालिबानमाथि दबाब दिइरहेका छन् ।

मानव अधिकार, महिला अधिकार र समावेशी सरकार गठन लगायतका माग पूरा भएपछि तालिबान सत्तासँग सहकार्य गर्न सकिने अन्तर्राष्ट्रिय समुदायको बताइरहेको छ ।

तालिबानले समेत सत्तामा आएपछि मानव अधिकार, महिला अधिकार र समावेशी सरकारको मागप्रति आफूहरू सकरात्मक रहेको बताइसकेको छ । तालिबानले केही दिनअघि अन्तरिम सरकारलाई विस्तार गरेको छ । बिस्तारित अन्तरिम सरकारमा हजारा र ताजिक समुदायलाई केही हदसम्म सामेल गराइएको भएपनि महिलाको प्रतिनिधित्व शून्य छ ।

अन्तर्राष्ट्रिय समुदायले लचक एवं उदार हुन भनिरहेका बेला तालिबानका एकजना संस्थापक नेताले सजायँ स्वरूप मृत्युदण्ड दिने र हातखुट्टा छेदन गर्ने नियम पुनः लागू गरेका बताएका छन् ।

यसअघि तालिबानको इस्लामिक कानून पालना गराउने विभागको प्रमुख भइसकेका मुल्लाह नूरुद्दीन तुराबीले विश्व समुदायलाई आफूहरूको योजनामा हस्तक्षेप नगर्न भनेका छन् ।

‘मैदानमा सजायँ दिएको भनेर सबैले हाम्रो आलोचना गर्छन् तर हामीले उनीहरूको कानून र सजायँ दिने तरिकाबारे कहिल्यै टिप्पणी गरेका छैनौ, तुराबीले शनिबार चेतावनी दिँदै भनेका थिए, हाम्रो कानून कस्तो हुने भनेर अरुले सिकाउनु पर्दैन। हामीहरूले इस्लामको पालना गर्छौं र कुरानका आधारमा कानून बनाउँछौं।’

यसैबीच तालिबानले चारजनाको शव हेरातको सार्वजनिक स्थलमा झुण्ड्याएको छ । तुराबीले कडा सजायँ स्वरूप मृत्युदण्ड दिने भनेको भोलिपल्ट चारजनाको शव सार्वजनिक चोकमा झुण्ड्याइएको हो ।

एकजना व्यापारी र उनका छोरालाई अपहरण गरेका कारण चारजनालाई मृत्युदण्ड दिइएको र चोकमा झुण्ड्याएको स्थानीय अधिकारीले बताएका छन् । हेरातका उप(गभर्नरले व्यापारी र उनका छोरालाई सकशुल उद्धार गरिएको जानकारी दिएका छन् ।

उप-गभर्नर माउलवाई सायरले भविष्यमा अपहरणका घटना रोक्न भन्दै शवलाई झुण्ड्याएर राखेको स्पस्ट पारेका छन् । एक व्यापारी र उनका छोरालाई अपहरण गरेको भन्ने थाहा पाएपछि उनीहरूलाई गोली हानी हत्या गरिएको उनको भनाइ थियो।

हेरातमा भएको पछिल्लो घटनाबाट तालिबानले इस्लामिक कानून शारिया अनुसार आफूहरूले शासन गर्ने सन्देश दिन खोजेको प्रस्ट हुन्छ । शारिया भनेको अपरिवर्तनीय ईश्वरीय नियम-कानून हो जुन लोकतन्त्र, मानवअधिकार जस्ता विषयसँग मेल खाँदैन । सामान्य अपराधमा समेत मृत्युदण्ड दिइने भएकाले यसलाई कतिपयले मानवताविरोधी ठान्छन् ।

दोषीलाई मृत्युदण्डको सजाय दिनु र मृत्युपछि सार्वजनिक स्थलमा झुण्ड्याएर तालिबानले आफूहरू अझै कडा इस्लामिक कानूनलाई अगाडि बढाउने पक्षमा रहेको सन्देश दिन खोजेको देखिन्छ ।

विश्वका कुनै पनि राष्ट्रले घोषितरूपमा आफ्नो सरकारलाई समर्थन नगरिसकेको अवस्थामा उदार बनेर विश्व समुदायको समर्थन लिनेभन्दा जुनसुकै मूल्य चुकाएर पनि कट्टरपन्थी बाटोमै हिंड्ने सन्देश तालिबानले दिन चाहेको छ ।

एजेन्सीको सहयोगमा

प्रतिक्रिया

रोचक

सबै
थारु भाषाको “दिल जिगर तुहि धडकन” अडियो म्युजिक सार्वजनिक ।।
माघ १४, २०७६

राम अवतार चौधरी कपिलवस्तु, १४ माघ । गायक उत्तम चौधरी र अन्नु चौधरीको सुमधुर सांगीतिक स्वरमा सजिएको “दिल जिगर तुहि…

Recent Posts

TOP