Trending
flash नेपालको तराई लगायत विश्वभरि मनाउने गरिन्छ करवा चौथ flash प्रदेश सरकारबाट विनियोजित सञ्चार बजेटको भ्रमपूर्ण समाचार प्रति बुद्ध दर्पणको ध्यानाकर्षण खेल टी-२० विश्वकप : बंगलादेशविरुद्ध श्रीलंकाको ५ विकेटको जित समाज दाङमा बस दुर्घटना हुँदा १ जनाको मृत्यु, २१ घाइते राजनीति प्रदेश १ प्रदेशसभा बैठक : कात्तिक १५ सम्म स्थगित, कांग्रेसमै भाँडभैलो flash विजयनगरमा आज ६० प्रतिशत बढिलाई भिटामिन ‘ए’ र जुकाको औषधि खुवाइयो समाज पाँच वर्षमा १ लाखभन्दा बढी सवारी दुर्घटना, १० हजारभन्दा बढीको मृत्यु समाज सर्वोच्चका १४ न्यायाधीशले पूर्ण बैठक बहिस्कार गर्ने राजनीति चार वर्षअघि हारेका थिए, फेरि मत गन्दा २ भोटले वडाध्यक्ष जिते flash टोल विकास संस्था व्यवस्थापन तथा नेतृत्व विकास सम्बन्धि क्षमता अभिवृद्धि तालिम सुरु

गृहमन्त्री भेट्न सिंहदरबार धाइरहेका राजकुमार शहनी

काठमाडौं । हरेक दिन बिहान १० बजे सिंहदरबार पुग्नु र अपरान्ह कर्मचारीहरु सँगसँगै फर्किनु राजकुमार सहनीको दैनिकी बनिसकेको छ ।

आफ्नै पार्टी नेपाली कांग्रेसको नेतृत्वमा सरकार बनेपछि सहयोगको अपेक्षा उनी एक महिनादेखि गृह मन्त्रालय धाइरहेका छन् । तर औरही गाउँपालिका–२, चक्करका सहनीले अहिलेसम्म गहमन्त्री बालकृष्ण खाणलाई भेट्न पाएका छैनन् ।

उनी हरेक दिन बिरामी श्रीमती लिएर मन्त्रालय जान्छन्, ढोका छेउमा रहेको प्रतीक्षा कक्षमा बस्छन् । दिनभरि उनलाई कसैले त्यहाँबाट जानु पनि भन्दैनन्, भित्र छिर्न पनि दिँदैनन् । ‘सुरु–सुरुमा फोन गरिदिए जस्तो गर्थे, अहिले त फोन नै चल्दैन भनिदिन्छन्’ सहनीले भने, ‘मलाई केही बुझ्दै नबुझ्ने जस्तो बनाइसके ।’

उनी कांग्रेसका महाधिवेशन प्रतिनिधि हुन् । प्रजातन्त्र पुनर्स्थापनाका लागि भएको आन्दोलनमा उनी होमिएका थिए । २०३२ सालमा भारतमा संकटकाल घोषणा भएपछि बनारसबाट फर्किएर काठमाडौं, बाँसबारी आए । २०३४ सालमा राति ११ बजेतिर विराटनगरमा बम विष्फोट भयो, उनीसहित मगनी शाह, दुख सहनी लगायत नेता कार्यकर्ता बैठक बसिरहेको स्थानबाटै पक्राउ परे । केन्द्रीय कारागार, सुन्धारामा राखिएका उनलाई बिहान ३ बजे नख्खु कारागार लगिए । त्यहीँ गणेशमान सिंह, गिरिजाप्रसाद कोइराला, कृष्णप्रसाद भट्टराई, शुशील कोइराला, खमबहादुर खड्का, पूर्णबहादुर खड्का, अर्जुननरसिंह केसी, चिरञ्जीवी बाग्ले लगायतसँग भेट भयो ।

बिहीबार गृह मन्त्रालय अगाडि भेटिएका उनी ती दिनहरु सम्झिँदै भन्छन्, ‘पार्टी.. पार्टी भनेर जिन्दगी विताइयो । अहिले पार्टीका मान्छेहरु वास्तै गर्दैनन् ।’

स्थानीय र सहयोगी मनहरुले उनलाई १००, ५००, एक हजार र २ हजारसम्म सहयोग गरेका छन् । तर पार्टीका नेता वा मन्त्रीहरुले सहयोग नगरेको उनको गुनासो छ ।

मन्त्रीको गाडी आएपछि गृह अगाडि नमस्कार गर्दै शहनी ।
‘सचिवालयका कर्मचारीले १५०० रुपैयाँ थमाए’

सहनीका अनुसार गृह मन्त्रालयबाट आर्थिक सहायता प्राप्त हुने भएकाले गृहमन्त्रीलाई भेट्न खोजेका हुन् । भन्छन्, ‘सहयोग गर्न नसके हुँदैन, भनिदिएको भए हुन्थ्यो । तर सचिवालयका कर्मचारीले घर जान भनेर १५ सय रुपैयाँ थमाए ।’

आफ्नो पार्टीका गृहमन्त्रीलाई पनि भेट्न नपाउने कस्तो लोकतन्त्र ल्याइएछ भन्ने मनमा लागिरहेको उनी सुनाउँछन् ।

उनका अनुसार श्रीमतीको ट्युमरको सल्यक्रिया गरिएको छ । २९ वर्षीय छोरा जितेन्द्रको दुवै मृगौला विग्रिएको छ । ‘हरेक हप्ता डाइलाइसिस गरिराख्नुपर्छ, उपचार गर्दा गर्दै जमिन सबै सिद्धिसक्यो’ उनी भन्छन्, ‘अब त खानै समस्या हुने स्थितिमा पुगिसकेँ ।’ अर्को छोरा अपाङ्ग भएकाले हातमुख जोर्न कठिन छ ।

उनी भन्छन्, ‘नेताहरुलाई मिर्गौला प्रत्यारोपण गर्न भनेर सरकार पैसा दिएको दियै गर्छ, हिजो पार्टीका लागि लडेका हामी जस्ता कार्यकर्तालाई अहिले हेर्नै मान्दैन । आफ्नै पार्टीको सरकारसँग आश थियो, तर नेताहरु विरानो भइसकेछन् ।’

प्रतिक्रिया

रोचक

सबै
थारु भाषाको “दिल जिगर तुहि धडकन” अडियो म्युजिक सार्वजनिक ।।
माघ १४, २०७६

राम अवतार चौधरी कपिलवस्तु, १४ माघ । गायक उत्तम चौधरी र अन्नु चौधरीको सुमधुर सांगीतिक स्वरमा सजिएको “दिल जिगर तुहि…

Recent Posts

TOP