Trending
समाज प्रमुख सामाजिक समस्या बन्दै आत्महत्या समाज मुगु बस दुर्घटना : मृतकका परिवारलाई एक लाख दिइने अन्तर्राष्ट्रिय अमेरिकी ड्रोन आक्रमणमा अलकायदाका वरिष्ठ नेताको मृत्यु समाज आज पनि देशका केही ठाउँमा हल्का पानी पर्ने राजनीति न्यायालयको गरिमाका लागि निकास दिन प्रधानन्यायाधीशलाई पूर्वन्यायाधीशहरुको आग्रह राजनीति एमाले वडा अधिवेशन आज‚ अध्यक्ष ओलीले भर्चुअल माध्यमबाट उद्घाटन गर्ने समाज विराटनगर विमानस्थल आजदेखि सञ्चालनमा आउने समाज प्रतिवेदन लागू गर्न प्रधानन्यायाधीशलाई बारको १५ दिने अल्टिमेटम खेल मैत्रीपूर्ण फुटबलमा नेपाली २३ वर्षमुनिकाे फुटबल टोली इन्डोनेसियासँग २–० ले पराजित flash शिवराजमा नेकपा एसकाे फेरि भ्रमकाे खेती, आफू नेकपा एमालेमै रहेकाे राधेश्याम थारूकाे भनाई

प्रदेश १ को हिउँदे अधिवेशन : विश्वासको मतको प्रस्ताव दुई दिनपछि मात्रै

विराटनगर । दशैंको दोस्रो दिन आज प्रदेश १ को नवौं तथा हिउँदे अधिवेशन सुरु हुँदैछ । मुख्यमन्त्री भीम आचार्यले विश्वासको मत लिने प्रयोजनका लागि आह्वान गरिएको नियमित अधिवेशनको पहिलो बैठक दिउँसो २ बजे बस्ने छ ।

विश्वासको मत लिनका लागि अधिवेशन आह्वान भएपनि विश्वासको मतका लागि प्रस्ताव भने आज दर्ता हुने छैन । उद्योग पर्यटन वन तथा वातावरण मन्त्री लछुमन तिवारीका अनुसार आज संसदीय दलका नेताहरुले सम्बोधन गर्नेछन् ।

उनका अनुसार विश्वासको मतका लागि प्रस्ताव पछि बस्ने बैठकमा जानेछ । ‘संसदको कार्यसूची सभामुखले तयार गर्नुहुन्छ,’ उनले भने, ‘हिउँदे अधिवेशनको पहिलो बैठक भएकाले दलका नेताहरुले सम्बोधन गर्नुहुन्छ, विश्वासको मतका लागि प्रस्ताव आइतबार नभए सोमबार दर्ता हुन्छ ।’

असोज २५ गतेपछि मुख्यमन्त्रीलाई संविधानले नचिन्ने बताउँदै माओवादी केन्द्रले विश्वासको मत लिन ढिलो गरे प्रदेश प्रमुखलाई बहुमतका लागि सरकार बनाउनका लागि आह्वान गर्न आग्रह गर्ने जनाएको छ ।
नवौं अधिवेशन प्रदेश सभाको नयाँ भवनमा हुँदैछ । भवन निर्माणमा दुई करोड ५९ लाख र आन्तरिक सजावटमा ५० लाख खर्च गरिएको प्रदेशसभा भवन बुधबार मात्रै मुख्यमन्त्री आचार्यले उदघाटन गरेका थिए । उदघाटनका क्रममा उनले घुमाउरो भाषामा दशैंपछि मात्रै विश्वासको मत लिने बताएका थिए । विपक्षी दलहरु भने ३० दिनभित्रै मुख्यमन्त्रीले विश्वासको मत लिइसक्नुपर्ने अडानमा छन् ।

नेकपा एमाले प्रमुख सचेतक बुद्धिकुमार राजभण्डारीका अनुसार बैठक अघि सभामुख प्रदीपकुमार भण्डारीले कार्यव्यवस्था परामर्श समितिको बैठक बोलाएका छन् । साढे ११ बजे कार्यव्यवस्था परामर्श समितिको बैठक बस्ने उनले बताए ।

कार्यव्यवस्था परामर्श समितिको बैठक अघि एमाले संसदीय दलको बैठक बस्दैछ । संसदीय दलको बैठक नियमित रहेको मन्त्री तिवारीले जानकारी दिए ।

नेकपा एमाले विभाजनको दोस्रो दिन गत भदौ १० गते मुख्यमन्त्री नियुक्त भएका आचार्य अल्पमतमा छन् । ९२ जना प्रदेशसभा सदस्य रहेको प्रदेशसभामा सत्ता पक्षसँग ४१ जना सांसद छन् । प्रतिपक्षी गठबन्धनसँग ५० सांसद छन् । प्रदेशसभामा बहुमतका लागि ४७ सांसदको समर्थन आवश्यक पर्छ ।

‘आज दर्ता गरेर सोमबार प्रकृयामा जानुपर्छ’

प्रतिपक्षी दल नकपा माओवादी केन्द्र प्रदेश संसदीय दलका नेता इन्द्रबहादुर आङ्बो आजै संसदमा प्रस्ताव टेबल गरेर दुई दिनपछि प्रकृयामा लैजानुपर्ने बताउँछन् ।

असोज २५ गतेपछि मुख्यमन्त्रीलाई संविधानले नचिन्ने बताउँदै उनले विश्वासको मत लिन ढिलो गरे प्रदेश प्रमुखलाई बहुमतका लागि सरकार बनाउनका लागि आह्वान गर्ने बताए । ‘आज प्रस्ताव संसदमा दर्ता गरेर दुई दिन भित्र प्रकृयामा लैजानुपर्छ,’ उनले भने, ‘तर उहाँहरुले लाज पचाएर दशैं मान्न खोजिरहनु भएको छ ।’

प्रदेशसभा नियमावलीमा प्रस्ताव दर्ता भएको दुई दिनपछि संसदमा टेबल गर्ने प्रावधान छ । सोही प्रावधान अनुसार आजै प्रस्ताव दर्ता गर्न प्रतिपक्षले दबाब दिइरहेको छ ।

प्रतिक्रिया

रोचक

सबै
थारु भाषाको “दिल जिगर तुहि धडकन” अडियो म्युजिक सार्वजनिक ।।
माघ १४, २०७६

राम अवतार चौधरी कपिलवस्तु, १४ माघ । गायक उत्तम चौधरी र अन्नु चौधरीको सुमधुर सांगीतिक स्वरमा सजिएको “दिल जिगर तुहि…

Recent Posts

TOP