Trending
समाज विकास निर्माणको कामलाई अघि बढाउन छुट्टै कानुन आवश्यक छ : अर्थमन्त्री शर्मा flash राष्ट्रपति भण्डारी भोलि कपिलवस्तु आउँदै : सम्पूर्ण तयारी पुरा flash लोसपा अध्यक्ष ठाकुरसहितका नेता कपिलवस्तु आउदै समाज नेपालमा काेराेनाविरुद्धकाे खाेप लगाउनेकाे सङ्ख्या १ कराेड नाघ्याे राजनीति अदालतकाे अवस्था गम्भीर छ, विश्वकाे ध्यान नेपालतिर छ : अध्यक्ष दाहाल अपराध नक्कली ब्लुबुक बनाई चोरीको मोटरसाइकल चलाउने २ जना पक्राउ खेल प्रदेश २ लाई हराउँदै लुम्बिनी फाइनलमा समाज अत्यावश्यक काम नपरी विदेश नजान सरकारको आग्रह flash शिवराजमा ३ महिने ब्युटिसियन तालिम सुरु flash शिवराज ३ मा ढकिया निर्माण तालिम सकियो

दाङमा ब्राउन सुगरसहित ४ जना पक्राउ

दाङ : दाङमा प्रहरीले लागु औषध ब्राउन सुगरसहित ४ जनालाई पक्राउ गरेको छ। पक्राउ पर्नेमा आमाछोरा र अन्य २ जना रहेको जिल्ला प्रहरी कार्यालय दाङले जनाएको छ।

तुलसीपुर उपमहानगरपालिका-५ की ३१ वर्षीया सुशीला श्रेष्ठ र उनका १९ वर्षीय छोरा रोहन श्रेष्ठ रहेको जिल्ला प्रहरी कार्यालय दाङका प्रहरी निरीक्षक मोहनजंग बुढाथापाले जानकारी दिए।

प्रहरीका अनुसार लागु औषध ब्राउन सुगरको गोप्य रूपमा बिक्री वितरण भइरहेको भन्ने सूचनाका आधारमा शनिबार बेलुकी इलाका प्रहरी कार्यालय तुलसीपुरका प्रमुख डिएसपी श्यामु अर्यालको नेतृत्वमा गएको प्रहरी टोलीले श्रेष्ठ आमाछोरालाई घरमै पुडिया बनाइरहेको अवस्थामा नियन्त्रणमा लिएको थियो।

प्रहरीले उनीहरूको साथबाट ब्राउन सुगरका १०० वटा पुडिया बरामद गरेको प्रहरी निरीक्षक बुढाथापाले जानकारी दिए। उक्त ब्राउन सुगर १९ ग्राम ७१० मिली ग्राम तौल रहेको उनले जानकारी दिए। 

त्यस्तै शनिबार नै प्रहरीले तुलसीपुरबाट अन्य २ जना युवालाई ब्राउन सुगरसहित पक्राउ गरेको छ। पक्राउ पर्नेमा  तुलसीपुर-५ बसपार्क निवासी २५ वर्षीय धीरज बुढाथोकी र बबई गाउँपालिका-४ घर भई हाल तुलसीपुर-६ बरुवागाउँ बस्ने २० वर्षीय प्रख्यात शाह रहेको प्रहरीले जनाएको छ।

उनीहरूले बिक्री वितरण गरिरहेको भन्ने गोप्य सूचनाका आधारमा इप्रका तुलसीपुरबाट खटिएको प्रहरी टोलीले बसपार्कबाट ५/५ पुडियासहित उनीहरूलाई नियन्त्रणमा लिएको थियो।

बुढाथोकीका साथबाट ५४० ग्राम र शाहका साथबाट २६० ग्राम तौलको रहेको प्रहरीले जानकारी दिएको छ। पक्राउ परेका ४ जनामाथि आवश्यक अनुसन्धान भइरहेको प्रहरीले जानकारी दिएको छ।

प्रतिक्रिया

रोचक

सबै
थारु भाषाको “दिल जिगर तुहि धडकन” अडियो म्युजिक सार्वजनिक ।।
माघ १४, २०७६

राम अवतार चौधरी कपिलवस्तु, १४ माघ । गायक उत्तम चौधरी र अन्नु चौधरीको सुमधुर सांगीतिक स्वरमा सजिएको “दिल जिगर तुहि…

Recent Posts

TOP