रणनीतिक तेल भण्डारबाट ५ करोड ब्यारेल कच्चा तेल निकाल्न बाइडेनको निर्देशन

 एजेन्सी ।  अमेरिकी राष्ट्रपति जो बाइडेनले देशको रणनीतिक तेल भण्डारबाट पाँच करोड ब्यारेल कच्चा तेल निकाल्न आदेश दिनुभएको छ । पेट्रोलियम पदार्थको विश्वभर बढ्दो मूल्य नियन्त्रण गर्न भन्दै राष्ट्रपति बाइडेनले नुनिलो गुफामा अमेरिकाले राखेको मध्ये पाँच करोड ब्यारेल तेल निकाल्न आदेश दिनुभएको समाचार संस्था सीएनएन जनाएको छ । 

बाइडेनले पेट्रोलियम पदार्थको धेरै खपत गर्ने चीन, भारत, बेलायत, जापान र दक्षिण कोरियालगायत देशसँग छलफल गरेर तत्काल तेल निकाल्न निर्देशन दिएको खबरमा उल्लेख छ । 

अमेरिकी बजारमै कच्चा पेट्रोलियम पदार्थको मूल्य प्रति ब्यारेल ७८ दशमलव ६५ अमेरिकी डलर पुगेको छ । आउँदो डिसेम्बर १५ भित्र पाँच करोड ब्यारेल तेल निकालेर तरल इन्धनमा भएको मूल्यवृद्धि नियन्त्रण गरिने अमेरिकी राष्ट्रपतिको कार्यालय ह्वाइट हाउसले जानकारी दिएको सीएनएनले जनाएको छ ।

खाडीका देशहरूले तेल आपूर्ति बन्द गरेपछि अमेरिकाले सन् १९७५ मा विशाल तेल भण्डार खडा गरेको थियो । टेक्सस र लुजियाना राज्यबीच बनाइएका विशाल भूमिगत गुफाहरूमा अमेरिकाले ७० करोड ब्यारेल कच्चा तेल भण्डारण गरेको अनुमान छ । अमेरिकाले बनाएका ती गुफा संसारकै ठूला आपत्कालीन इन्धन भण्डारण गृह हुन् । 

रोचक

सबै

• 

  ” #मेरोभरौल” -कविता

  अशोज ७, २०७७

• 

  गर्लफ्रेन्ड भाडामा पाईने देश

  चैत्र ११, २०७६

थारु भाषाको “दिल जिगर तुहि धडकन” अडियो म्युजिक सार्वजनिक ।।

माघ १४, २०७६

राम अवतार चौधरी कपिलवस्तु, १४ माघ । गायक उत्तम चौधरी र अन्नु चौधरीको सुमधुर सांगीतिक स्वरमा सजिएको “दिल जिगर तुहि…