महिला हिंसा विरुद्धको अभियानमा मैनबत्ती प्रज्वलन

महिला हिंसा विरुद्धको १६ दिने अभियान सुरु भएको छ । शिवराज नगरपालिका ५ चन्द्रौटा चोकमा मैनबत्ती प्रज्वलन गरी नगर उपप्रमुख शिवकुमारी थारुले अभियानको सुरुवात गर्नुभएको हो । ‘घरै वाट सुरु गरौँ,महिला हिंसा अन्त्य गरौँ’ भन्ने नारा सहित यो अभियान सञ्चालन गरिएको हो । मङ्सिर २४ गते सम्म चल्ने यो अभियान विभिन्न वडाहरूमा चेतनामूलक कार्यक्रम गरिने उपप्रमुख थारुले बताउनुभयो ।
१६ दिने अभियानले मात्र नपुग्ने भएकोले सबै सधैँ सचेत भई हिंसा विरुद्ध कटिबद्ध लागि पर्न सबैलाई आग्रह गर्नुभयो । अझै पनि महिलाहरू विभिन्न चाहानामा हिंसामा परिरहेकोले त्यसको विरुद्ध महिलाहरू एकजुट भई आवाज उठाउनुपर्ने तर्क राख्नुभयो ।
कार्यक्रममा राष्ट्रिय मानव अधिकार प्रतिष्ठान कपिलवस्तुका सभापति विष्णु प्रसाद खतिवडाले समाजमा महिला हिंसाका घटनाले ठुलो रूप लिएको बताउनुभयो । कतिपय महिलाहरू दाइजो,बोक्सी,शारीरिक कमजोरी लगायत विविध कारणले हिंसामा परेको जनाउनुभयो । शिक्षामा जोड दिँदै सबै हिंसा विरुद्ध लागेमा न्यूनीकरणको लागि मद्दत पुग्ने बताउनुभयो । किडार्क नेपाल संयोजक कृष्ण रावल,शान्ति पुनस्थापना गृहका सुशीला खनाल लगाएत ले महिला हिंसा विरुद्धको अभियानमा साथ दिने प्रतिबद्धता जनाएका छन् । नगरपालिकाका प्रमुख प्रशासकिय अधिकृत गणेश प्रसाद अर्याल,विभिन्न शाखाका प्रमुख तथा संघ सस्थाका प्रतिनिधिहरुको सहभागितामा रहेको कार्यक्रम नारायण पंगेनीको संचालनमा सम्पन्न भएको छ ।

रोचक

सबै

• 

  ” #मेरोभरौल” -कविता

  अशोज ७, २०७७

• 

  गर्लफ्रेन्ड भाडामा पाईने देश

  चैत्र ११, २०७६

थारु भाषाको “दिल जिगर तुहि धडकन” अडियो म्युजिक सार्वजनिक ।।

माघ १४, २०७६

राम अवतार चौधरी कपिलवस्तु, १४ माघ । गायक उत्तम चौधरी र अन्नु चौधरीको सुमधुर सांगीतिक स्वरमा सजिएको “दिल जिगर तुहि…