माधव बेल्वासे, कपिलवस्तु ।
गत स्थानीय तहको निर्वाचनमा उम्मेदवारहरूले खर्चको विवरण निर्वाचनमा आयोगमा पेस नगर्दा जरिवानामा परेका छन् । कपिलवस्तुमा ३५५३ उम्मेदवार मध्ये १० जनाले मात्र खर्चको विवरण बुझाएको जिल्ला निर्वाचन कार्यालय कपिलवस्तुले जनाएको छ । थप ७ जनाको ढिलाइका साथ विवरण प्राप्त भएको जनाएको छ । निर्वाचित जनप्रतिनिधिहरूले पनि खर्चको विवरण निर्वाचनमा आयोगमा पेस गरेका छैनन् ।
कपिलवस्तुको कृष्णनगर नगरपालिकाका प्रमुख रजत प्रताप शाह,वाणगंगा नगरपालिकाका प्रमुख चक्रपाणि अर्याल, महाराजगन्ज नगरपालिकाका प्रमुख अब्दुल कलाम,शिवराज नगरपालिकाका प्रमुख अजय थापालाई ४ लाख ५० हजार रुपैयाँ जरिवाना तोकेको छ । नगरपालिका मध्ये बुद्धभुमि नगरपालिकाका प्रमुख केशव कुमार श्रेष्ठ र कपिलवस्तु नगरपालिकाका प्रमुख सुदिप पौडेलले खर्चको विवरण निर्वाचनमा आयोगमा पेस गरेको बताइएको छ ।
मायादेवी गाउँपालिकाका वलिउद्धीन मुसलमान,यशोधरा गाउँपालिकाका अध्यक्ष शिवदयाल तिवारी,विजयनगर गाउँपालिकाका अध्यक्ष गोपाल बहादुर थापा,शुदधोन गाउँपालिकाका अध्यक्ष कमलेश शरण चौधरीलाई ३ लाख ५० हजार रुपैयाँ जरिवाना तोकेको छ । ६ महिनाभित्र जरिवाना तिर्नुपर्ने छ र सो समयभित्र जरिवाना नतिरे उनीहरूको पद जाने निर्वाचन आयोगले जनाएको छ ।
निर्वाचन आयोग ऐन दफा २६ को उपदफा १ अनुसार उनीहरूसहित १ लाख २३ हजार ६ सय २४ उम्मेदवारलाई कारबाही गर्ने निर्णय आयोगको छ। निर्वाचन परिणाम सार्वजनिक भएको ३० दिनभित्र खर्च विवरण बुझाउनुपर्ने प्रावधान छ । त्यस अवधिभित्र विवरण नबुझाउनेहरूलाई आयोगले कारबाही गरेको निर्वाचन आयोगले जनाएको छ ।
राम अवतार चौधरी कपिलवस्तु, १४ माघ । गायक उत्तम चौधरी र अन्नु चौधरीको सुमधुर सांगीतिक स्वरमा सजिएको “दिल जिगर तुहि…
प्रतिक्रिया