ghanashyam 
कपिलवस्तुको शिवराज नगरपालिका वडा नं. ५ ले वडाका कृषकहरुको भेडा बाख्रालाई विभिन्न रोगबाट बचाउन निशुल्क पिपिआर खोप अभियान संचालन गरेको छ । खोप अभियान विहिबार वडाको पर्सिया गाउँबाट सुरु गरिएको वडा अध्यक्ष नेत्र प्रसाद बेल्वासेले बताउनु भयो ।
भेडा बाख्रामा लाग्ने विभिन्न रोगहरुबाट बचाउन नगरपालिका पशु शाखाको सहयोगमा वडामा रहेका किसानहरुका भेडा बाख्राका लागी निशुल्क खोप लगाउन सुरु गरिएको अध्यक्ष बेल्वासेले बताउनु भयो । किसानका भेडा बाख्राहरुमा लाग्ने विभिन्न रोगहरुका कारण किसानले क्षति व्योहोर्नु पर्ने हुदाँ किसानको पशु क्षति कम गर्न खोप अभियान सुरु गरिएको उहाँले बताउनु भयो ।
वडाको पर्सिया गाउँबाट सुरु भएको खोप अभियान वडाका विभिन्न १६ गाउँमा लगाइने छ । माघ ५ गते दिउँसो भुडियाहवामा १० बजे, चन्द्रौटा खसिबजारमा दिउँसो १ बजे, चन्द्रौटा चेक प्वाइन्टमा दिउसो ३ बजे, माघ ६ गते बालापुरमोडमा विहान ८ बजे, हेलवडिहवा गाउँमा विहान ९ बजे, खैरी गाउँमा विहान १० बजे, चैनपुर लक्जरी होटल पछाडी विहान ११ बजे, नौडिहवा र विजय कलौनी नौडिहवा खेल मैदानमा दिउँसो १ बजे ,पूर्व दुर्गा मन्दिर दुर्गा मन्दिर दिउँसो ३ बजे, माघ ७ गते दक्षिण रहटकोल पिपल बोट विहान ८ बजे,उत्तर रहटकोल चौराह विहान ९ बजे, पूर्व रहटकोल बगैचा विहान ११ बजे,वडा कार्यालय ÷कर्णेश्वरी टोल विकास क्षेत्र स्थान वडा कार्यालय दिउँसो १ बजे र सौनी गाउँ मस्जिद अगाडी दिउँसो ३ बजे भेडा बाख्रालाई खोप लगाईने वडा अध्यक्ष वेल्वासेले जानकारी दिनु भयो । खोप अभियान वडा सदस्य प्रेम सुनार ,बब्बु खा, पशु चिकित्सक केशर महत्रा लगायतको सहभागिता रहेको छ ।
ghanashyam 
राम अवतार चौधरी कपिलवस्तु, १४ माघ । गायक उत्तम चौधरी र अन्नु चौधरीको सुमधुर सांगीतिक स्वरमा सजिएको “दिल जिगर तुहि…
प्रतिक्रिया