२१ लाख भारु सहित सुन कारोबारी पक्राउ

काठमाडौँ ।
नेपाल बाट भारतमा अवैध सुनको कारोबार गर्दै आएका कपिलवस्तुका सुन व्यापारी राजेश बर्मालाई प्रहरीले राती पक्राउ गरेको छ । शुद्धोधन गाउँपालिका ६ बस्ने बर्मालाई प्रहरीको विशेष सुराकीको आधारमा तौलिहवा स्थित जमुवार पुलबाट राती ९ बजे पक्राउ गरिएको हो । भारतको नौगढबाट सुन विक्री गरेर तौलिहवा आउदै गरेको सुचना पाएपछि एसपी प्रेम बहादुर बस्नेत आफै नाकामा चेकजाँचका लागि खटिएका थिए । चेकजाँचको क्रममा बर्मा सवार यूपी ५५एएम०४५९ नम्बरको गाडीमा फल्स बटम बनाई लुकाई राखेको अवस्थामा प्रहरीले २१ लख ७ हजार १ सय भारतीय रुपैया बरामद गरेको छ । उनीहरु संगै गाडी चालक भारतीय नागरिक हमिद मुसलमान पनि पक्राउ परेका छन् ।
पक्राउ तीनै जना संग बयान लिने क्रम जारी रहेको र थप संलग्नहरुको नाम बाहिर आउन सक्ने बताइएको छ । राजेश बर्माले पकडीमा सुन पसल संचालन गरि बसेका छन् । उनले त्यहा बाट विभिन्न चरणमा सीमा क्षेत्र चाकरचौडा हुदै भारतको सिद्र्धाथनगर सम्म सुन तस्करी गर्दै आएका थिए । उनी संग तौलिहवाका प्रतिष्ठीत सुन व्यापारीहरु समेत जोडिएको प्रहरी श्रोतले जनाएको छ । बर्मा ३ बर्ष अघि समेत ५०० ग्राम सुन सहित पक्राउ परेका थिए । बर्माले तौलिहवाका व्यापारीहरु संग सुन लिएर भारतमा सप्लाई गर्दै आएका छन् । अवैध कमाईलाई बैध बनाउन बर्माले तौलिहवामा मेरो मार्ट भन्ने सपिङ्ग सेन्टर समेत संचालन गरेका छन् । विगत २ महिना देखि सीमा क्षेत्रमा सुन तस्करी बढ्ेपछि भारतीय रुपैया कमजोर समेत बन्न गएको छ । १ सय भारुको १६० खरिद विक्री हुनुपर्नेमा अहिले १५५ देखि १५७ मा मात्र खरिद विक्री हुदै आएको छ । प्रहरी उपरिक्षक प्रेम बस्नेतले पक्राउ तिनै जना संग सोधपुछ भइरहेको बताए । उनीहरु पहिले देखि नै शंकास्पद थिए र हामीले पछ्याइरहेका थियौ, बस्नेतले भने । रकमको श्रोत अझै खुल्न सकेको छैन, थप अनुसन्धान गर्दैछौ उनले भने ।

रोचक

सबै

• 

  ” #मेरोभरौल” -कविता

  अशोज ७, २०७७

• 

  गर्लफ्रेन्ड भाडामा पाईने देश

  चैत्र ११, २०७६

थारु भाषाको “दिल जिगर तुहि धडकन” अडियो म्युजिक सार्वजनिक ।।

माघ १४, २०७६

राम अवतार चौधरी कपिलवस्तु, १४ माघ । गायक उत्तम चौधरी र अन्नु चौधरीको सुमधुर सांगीतिक स्वरमा सजिएको “दिल जिगर तुहि…