शिवराज अनलाइन, कृष्णनगर । विगतको वर्ष भन्दा यस वर्ष होली पर्व कपिलवस्तुमा फरक ढङ्गले मनाइएको छ । हिलो, लोला हान्ने र जबरजस्ती रङ्ग र अबिर दल्ने परम्परालाई हटाउँदै होली बनाएका हुन् । होलीलाई पर्वलाई उछृङ्खल गतिविधिलाई मध्यनजर गर्दै यस पाली सभ्य र सामाजिक सद्भाव कायम गरि मनाइएको हो ।
मधेशी, पहाडी समुदायका मानिसले एकआपसमा रङ्ग र अबिर दलेर शुभकामना आदानप्रदान गरी होली मनाएका हुन् । कपिलवस्तुको विभिन्न सङ्घसंस्थाले समेत सामूहिक होली मनाएका छन् । जिल्लाको तौलिहवा, जितपुर, चन्द्रौटा, गोरूसिंहेमा मंगलबार पर्व मनाइएको छ । त्यस्तै कृष्णनगर, बहादुरगंज, महाराजगञ्ज, पकडीमा बुधवार हर्षोउल्लासका साथ हाली पर्व मनाइएको छ ।
जिल्लामा प्रशासनले पर्वका अवसरमा घट्न सक्ने घट्नालाई दृष्टिगत गरी बिहानदेखि सुरक्षा व्यवस्था कडा पारिएको थियो । प्रहरीले विभिन्न क्षेत्रमा जाँच गरी अवाञ्छित क्रियाकलाप हुन नदिन सतर्कता बढाएको थियो । पर्व मनाउने नाममा व्यक्तिको इच्छा विपरीत जथाभावी रङ्ग दल्ने, लोला हान्ने, सार्वजनिक स्थानमा होहल्ला गर्ने लगायतका कार्यलाई नियन्त्रण गरिएको कपिलवस्तु प्रहरीले जनाएको छ ।
असत्यमाथि सत्यको विजयको प्रतीक, पारिवारिक एवम् सामाजिक एकताको पर्वका रुपमा देशभर होली पर्व मनाउने प्रचलन रही आएको छ । होलीमा एक आपसमा रङ्ग दलेर पर्व मनाउने गरिन्छ ।
राम अवतार चौधरी कपिलवस्तु, १४ माघ । गायक उत्तम चौधरी र अन्नु चौधरीको सुमधुर सांगीतिक स्वरमा सजिएको “दिल जिगर तुहि…
प्रतिक्रिया