मन्त्रीपरिषद्को आजको बैठकले लकडाउनको स्वरुप परिवर्तन गर्ने संभावना

काठमाडौं । सरकारले लकडाउनको स्वरुप परिवर्तन गर्ने तयारी गरेको छ । लकडाउनको स्वरुप परिवर्तन गर्न चौतर्फी दवाव आएपछि सरकारले स्वरुप परिवर्तन गर्न लागेको हो ।

लकडाउनको स्वरुप परिवर्तन गर्ने निर्णय गर्न आज दिउसो ४ बजेपछि बस्नेगरी मन्त्रीपरिषद्को बैठक पनि बोलाइएको छ । बैठकले स्वरुप परिवर्तनसँगै अन्य केही निर्णयहरु गर्ने एक मन्त्रीले नेपाली रेडियो नेटवर्कलाई जानकारी दिएका छन् ।

लकडाउनको स्वरुप परिवर्तनका बारेमा प्रधानमन्त्री केपी शर्मा ओलीले हिजो विज्ञ तथा सरोकारवालाहरुसँग छलफल गर्नुभएको थियो ।
छलफलमा सहभागी अधिकांशले लकडाउनको स्वरुप परिवर्तन गर्नु पर्ने र सतर्कतालाई पनि उत्तिकै ध्यान दिनु पर्ने सुझाव दिएको बैठकमा सहभागी डा सागरमणी दक्षितले नेपाली रेडियो नेटवर्कलाई जानकारी दिनुभयो ।

प्रधानमन्त्री निकट स्रोतका अनुसार भारतीय क्षेत्रबाट नेपाल प्रवेश गरेका क्षेत्रलाई उच्च सुरक्षा र सतर्कतामा राख्दै बाँकी क्षेत्र खुला गर्ने गरी तयारी भएको छ । प्रदेश २, प्रदेश ५ र सुदूरपश्चिम प्रदेशमा लकडाउन खुला गर्न नसकिने सरकारी निष्कर्ष छ ।

पसलहरु खोल्न दिने, भिडभाड नियन्त्रण गर्ने, मास्क लगाउने, भौतिक दुरी कायम गर्ने, निजी सवारी साधनहरु चल्न दिनेलगायतका व्यवस्था हुनसक्ने बताइएको छ ।

सरकारले देशव्यापी लकडाउन घोषणा गरेको आज७३ दिन भएको छ । अघिल्लो मन्त्रिपरिषद् बैठकले लकडाउन जेठ ३२ सम्म बढाउने निर्णय गरेको थियो ।

प्रतिक्रिया

रोचक

सबै
थारु भाषाको “दिल जिगर तुहि धडकन” अडियो म्युजिक सार्वजनिक ।।
माघ १४, २०७६

राम अवतार चौधरी कपिलवस्तु, १४ माघ । गायक उत्तम चौधरी र अन्नु चौधरीको सुमधुर सांगीतिक स्वरमा सजिएको “दिल जिगर तुहि…

Recent Posts

TOP