काठमाडौं : नेकपा एमालेका अध्यक्ष केपी शर्मा ओलीले कोशी प्रदेशमा एमालेको सरकार कुनै हालतमा टिकाउने दाबी गरेका छन्। शुक्रबार मिसन ग्रासरुटअन्तर्गत झापाको कार्यक्रमलाई सम्बोधन गर्दै अध्यक्ष ओलीले कोशीमा एमाले नेतृत्वको सरकारलाई जसरी पनि टिकाउने दाबी गरेका हुन्।
‘कोशी प्रदेशमा सरकार टिकाउँछौँ। यसको कारण राप्रपा हो। राप्रपासँग ६ सिट छ अब एउटा खोज्नुपर्नेछ। एउटा हामी खोज्छौँ। राप्रपालाई भोट नदिएर कांग्रेसलाई जित्ने स्थिति दिएको भए। हामी ४० को ४० हुने थियौँ। हाम्रो साथमा कोही पनि हुँदैनथे नि! हाम्रो साथमा हुने साथी हामीले खोज्यौँ,’ उनले भने।
कोशी प्रदेशमा एमालेबाट हिक्मत कार्की मुख्यमन्त्री छन्। ९३ सदस्यीय प्रदेशसभामा एमालेका ४० सहित राष्ट्रिय प्रजातन्त्र पार्टीका ६ जना, माओवादी केन्द्रका १२ र जसपाका एकजना सांसदको समर्थनमा मुख्यमन्त्री छन्। तर, माओवादी केन्द्र र जसपाले समर्थन फिर्ता लिएसँगै मुख्यमन्त्री कार्की अल्पमतमा पर्नेछन्।
आठ दलीय गठबन्धनसँग पनि स्पष्ट बहुमत पुग्ने देखिन्छ। नयाँ गठबन्धनमध्ये नेपाली कांग्रेससँग २९, नेकपा माओवादी केन्द्रसँग सभामुखसहित १३, एकीकृत समाजवादीसँग ४ र जसपासँग १ सांसद छन्। विशेष अवस्थामा सभामुखले पनि विश्वासको मत दिन पाउने कानुनी व्यवस्था छ।
राम अवतार चौधरी कपिलवस्तु, १४ माघ । गायक उत्तम चौधरी र अन्नु चौधरीको सुमधुर सांगीतिक स्वरमा सजिएको “दिल जिगर तुहि…
प्रतिक्रिया