Trending
अपराध क्षणिक रिस रोक्न नसक्दा मारिँदैछन् निर्दोष आर्थिक पोखराको होटल सरोवर र किङस लाउन्जमा प्रभु बैंकका ग्राहकलाई छुट स्वास्थ्य स्वास्थ्यमन्त्री यादवको वीरमा ३ घण्टा छड्के राजनीति संसद् सचिवालयलाई बजेटको कमी हुँदैन : अर्थमन्त्री राजनीति कर्णाली प्रदेश : मन्त्री शाहलाई भूमि व्यवस्था तथा कृषिको कार्यभार समाज सगरमाथाबाट ओर्लंदा एकजना नेपाली र एकजना बेलायती बेपत्ता समाज गर्मी बढेपछि चितवनका ६० जना कैदीलाई सारियो समाज कैलाश सिरोहिया पक्राउप्रति नेपाल मिडिया सोसाइटीको विरोध राजनीति अनलाइनबाट सुझाव लिएर नीति, कार्यक्रम र बजेट बनाउँदै पैयूँ राजनीति गण्डकी प्रदेशको दोस्रो पञ्चवर्षीय योजनाको परिमार्जित आधार पत्र सार्वजनिक

पाकिस्तानका पूर्व विदेशमन्त्री पक्राउ, हिंसात्मक प्रदर्शनमा ८ जनाको मृत्यु

२८ बैशाख, काठमाडौं : पाकिस्तानमा पूर्व विदेशमन्त्री एवं पाकिस्तान तहरिक–ए–इन्साफ (पीटीआई)का नेता शाह मोहमद कुरैशी पक्राउ परेका छन्। उनलाई आज बिहान इस्लामाद प्रहरीले उनलाई पक्राउ गरेको पीटीआईले दाबी गरेको छ।

पक्राउपछि उनलाई अज्ञात स्थलमा लगिएको छ। पार्टीले ट्विटरमा साझा गरेको भिडियोमा सादा लुगा लगाएका मानिसहरूले कुरेशीलाई हिरासतमा राखिएको स्थानबाट प्रस्थान गर्नुअघि पार्टी कार्यकर्ताहरूलाई हात हल्लाइरहेको देखाइएको छ।

गिरफ्तार हुनुभन्दा अघि उनले रिकर्ड गरेको भिडिओमा भनेका छन्, ‘मलाई गिरफ्तार गर्न प्रहरी आइपुगेको छ। म एउटा सन्देश दिन चाहन्छु। यो आन्दोलन स्वतन्त्रताको लडाइँ हो र हामीले यसमा भाग लिनुपर्छ। आज इमरान खान उनको नियन्त्रणमा छन् जसबाट उनको ज्यानलाई जोखिम छ।‘

उनले समर्थकहरूलाई खान रिहा नभएसम्म आन्दोलन नरोक्न पनि भनेका छन्।

पूर्वप्रधानमन्त्री इमरान खानलाई पक्राउ गरिएको विरोध देशभर फैलिएको छ। हिंसात्मक प्रदर्शनमा आठ जनाको मृत्यु भएको छ। एक हजार प्रदर्शनकारी पक्राउ परेका छन्। प्रधानमन्त्री शहबाज शरीफले विरोध प्रदर्शनलाई आतंककारी गतिविधिको संज्ञा दिंदै भर्त्सना गरेका छन्।

देशबासीका नाममा सम्बोधन गर्दै शरीफले सार्वजनिक सम्पत्ति र सरकारी कार्यालयहरुमा थप आक्रमण गरिए कठोर कारबाही गरिने चेतावनी दिएका हुन्।

पूर्वप्रधानमन्त्री खान र उनको दल पीटीआईका कार्यकर्ताले संवेदनशील सैन्य अखडामा आक्रमण गरेको शरीफको आरोप छ । खानका समर्थकले लाहौरस्थित प्रधानमन्त्री शरीफको निजी निवासका साथै एक उच्च सैन्य जनरलको निवासमासमेत आक्रमण तथा आगजनी गरेका छन्।​

पाकिस्तानको सेनाले सैन्य अखडाहरू र सार्वजनिक सम्पत्तिहरूमा आक्रमण गर्नेहरू विरुद्ध कडा कारबाही गर्ने चेतावनी दिएको छ।

मंगलबार र बुधबार देशका विभिन्न सहरमा गरिएको विरोध प्रदर्शनका क्रममा पञ्जाब प्रान्तमा मात्रै १४ वटा सरकारी भवन तथा प्रहरीका २१ वटा भ्यानमा आगजनी भएको छ। राजधानी इस्लामाबादका साथै पञ्जाब र खैबर पख्तुनख्वा प्रान्तमा सेना परिचालन गरिएको छ।

पूर्वप्रधानमन्त्री खानलाई अल कादिर ट्रष्ट सम्बन्धी जमिन भ्रष्टाचार मामिलामा मंगलबार त्यहाँको भ्रष्टाचार विरोधी निकाय एनएबीले आफ्नो नियन्त्रणमा लिएको थियो। बुधबार अदालतले खानलाई आठ दिन अनुसन्धानका लागि हिरासतमा राख्न अनुमति दिएको छ।

सन् २०१८ देखि २०२२ सम्म पाकिस्तानको प्रधानमन्त्री रहेका पूर्वक्रिकेटर खान यो मामिलामा दोषी ठहरिए जीवनभर नै चुनाव लड्न नपाउने गरी प्रतिबन्धित हुनेछन्।

प्रतिक्रिया

रोचक

सबै
थारु भाषाको “दिल जिगर तुहि धडकन” अडियो म्युजिक सार्वजनिक ।।
माघ १४, २०७६

राम अवतार चौधरी कपिलवस्तु, १४ माघ । गायक उत्तम चौधरी र अन्नु चौधरीको सुमधुर सांगीतिक स्वरमा सजिएको “दिल जिगर तुहि…

Recent Posts

TOP