प्रमुख बालीको समर्थन मूल्य सिजनपूर्व तोकिने प्रमको दावी

८ असार, काठमाडौँ : प्रधानमन्त्री पुष्पकमल दाहाल ‘प्रचण्ड’ले कृषि उपजमा समर्थन मूल्य तोक्ने व्यवस्था गरिएको दावी गरेका छन्।

शुक्रवार प्रतिनिधिसभा सदस्य अर्जुननरसिंह केसीको प्रश्नको जवाफ दिँदै प्रधानमन्त्री दाहालले कृषकले न्यून मूल्य पाउने र उपभोक्ताले चर्को मूल्य तिर्नुपर्ने अवस्थाको अन्त्य गर्न प्रमुख खाद्यान्न बालीको सिजनपूर्व नै समर्थन मूल्य तोक्ने व्यवस्था गरिएको बताए। उनले उखु उत्पादक कृषकहरूलाई ७० रुपैयाँ प्रतिक्विन्टलको हिसाबले अनुदान उपलब्ध गराउने व्यवस्था मिलाइएको जानकारी दिए।

उनले आधुनिक कृषि बजार पूर्वाधारको विकास तथा व्यवसायीहरूसँगको सहकार्यमा खरिद सुनिश्चित गर्नेगरी कार्यक्रम सञ्चालित भएको उल्लेख गरे।​

त्यसैगरी बजारको मागअनुसार नाशवान कृषि उपजको उत्पादन गर्न बजार सूचना प्रणाली स्थापना गरी कृषकलाई सुसूचित गर्ने कार्यक्रम बनाइएको पनि उनले बताए।

उनले भने‚ ‘कृषि उपजको बजार प्रणालीमा कृषकले न्यून मूल्य पाउने र उपभोक्ताले चर्को मूल्य तिर्नुपर्ने अवस्था अन्त्य गर्न प्रमुख खाद्यान्न बालीको सिजनपूर्व समर्थन मूल्य तोक्ने व्यवस्था सरकारले गरेको छ। दूध उत्पादक कृषकले पाउने न्यूनतम मूल्य तोकिएको छ भने उखु उत्पादक कृषकलाई रु. ७० प्रतिक्विन्टलको हिसाबले अनुदान उपलब्ध गराउने व्यवस्था मिलाइएको छ। तरकारीको बजार प्रणालीमा देखिएका समस्या समाधान गर्न प्रदेश सरकार र स्थानीय सरकारलाई समेत जिम्मेवार बनाइनेछ।’

उनले बढी उत्पादन भएको कृषि उत्पादन कोल्डस्टोरमा राख्न सक्नेगरी पूर्वाधार विकासको काम अघि बढेको जानकारी गराए। त्यस्तै कृषि उपजहरूको समर्थन मूल्य तोक्दै जाने उनको भनाइ छ।

रोचक

सबै

• 

  ” #मेरोभरौल” -कविता

  अशोज ७, २०७७

• 

  गर्लफ्रेन्ड भाडामा पाईने देश

  चैत्र ११, २०७६

थारु भाषाको “दिल जिगर तुहि धडकन” अडियो म्युजिक सार्वजनिक ।।

माघ १४, २०७६

राम अवतार चौधरी कपिलवस्तु, १४ माघ । गायक उत्तम चौधरी र अन्नु चौधरीको सुमधुर सांगीतिक स्वरमा सजिएको “दिल जिगर तुहि…