प्रहरीलाई डा.शेखरको आह्वान “भ्रष्टाचारको विरोध गर्ने युवामाथी डण्डा नचलाउ”

नेपाली काँग्रेसका प्रभावशाली नेता डा.शेखर कोइरालाले सरकारका गलत क्रियाकलापको विरोध गर्ने युवाहरुमाथी डण्डा नचलाउन प्रहरीलाई आह्वान गर्नुभएको छ ।

नेपाली रेडियो नेटवर्क मार्फत् उहाँले भन्नुभयो, प्रहरी दाजुभाइहरुलाई म आह्वान गर्दछु की सरकारको गलत क्रियाकलापको विरोध गर्नेहरुलाई तपाईले डण्डा नचलाउनुस् । उहाँले गलत क्रियाकलाप रोक्नु प्रहरीको पनि दायित्व भएकाले आन्दोलनकारी युवाहरुलाई प्रहरीले पनि सहयोग गर्नुपर्नेमा जोड दिनुभयो ।

उहाँले भन्नुभयो, “सरकारले दिएका सवै आदेश सही नहुन सक्छन र सही आदेश मात्रै मान्नु पर्दछ, गलत आदेशहरु मान्नु हुदैन, त्यसैले प्रहरी दाजुभाइहरु तपाईहरु कुनै पनि किसिमको गलत आदेशलाई नमान्नु ।”

शान्तिपुर्ण आन्दोलनमा डण्डा, पानीको फोहोरा र अश्रुग्याँस प्रहार गर्न नपाईने पनि काँग्रेस नेता कोइरालाले दावी गर्नुभयो ।

विगतमा पनि जनताले उठाएको आन्दोलनमा प्रहरी र सेनाको सहयोग रहेको स्मरण गर्दै उहाँले अहिले पनि जनताले स्वतस्फुर्त रुपमा गरेको आन्दोलनमा सुरक्षाकर्मीहरुले सहयोग गर्नुपर्ने बताउनुभयो ।

जनता सडकमा उत्र्रिएपछि कसैको केही नलाग्ने दावी गर्दै उहाँले जनआवाजलाई बेलैमा सुन्न सरकारलाई सुझाव दिनुभयो ।

जव जनसागर सडकमा आएपछि प्रहरीको पनि केही नलाग्ने र कुनै निरंकुश शासकहरुले पनि रोक्न नसक्ने नेता कोइरालाले चेतावनी दिनुभयो ।

गलत गर्नेहरुलाई निरुत्साहित गर्ने र सही गर्नेहरुलाई सहयोग गरेमा मात्रै असल प्रहरी बन्न सकिने उहाँको भनाई छ । ठिक र बेठिक छुट्याउन नसकेमा प्रहरी नै अफ्यारोमा पर्ने उहाँले बताउनु भयो ।

नेता कोईरालाले प्रधानमन्त्री केपी शर्मा ओलीका अधिकांश भाषण झुट भएको दावी गर्र्दै भ्रष्टाचार गर्दिन भन्ने तर भ्रष्टाचारीको संरक्षण गर्ने गरेको आरोप लगाउनुभयो ।

प्रधानमन्त्री ओलीले आफु पनि भ्रष्टाचार गर्दिन र अरुलाई पनि गर्न दिन्न भनेको सुन्दा हासो उठ्ने गरेका कोईरालाले बताउनुभयो ।

प्रतिक्रिया

रोचक

सबै
थारु भाषाको “दिल जिगर तुहि धडकन” अडियो म्युजिक सार्वजनिक ।।
माघ १४, २०७६

राम अवतार चौधरी कपिलवस्तु, १४ माघ । गायक उत्तम चौधरी र अन्नु चौधरीको सुमधुर सांगीतिक स्वरमा सजिएको “दिल जिगर तुहि…

Recent Posts

TOP