ghanashyam 
१९ भदौ, काठमाडौँ : तस्करी गरेर ल्याइएको ६१ किलो सुन काण्डमा मुछिएपछि प्रहरीको केन्द्रीय अनुसन्धान ब्यूरो (सिआइबी)बाट पक्राउ परेका रुपन्देही घर भइ हाल काठमाडौँको टोखा बस्ने सुमन खरेललाई काठमाडौँ ल्याइएको छ।
नेपाल भारत सीमा क्षेत्र कपिलवस्तुमा पक्राउ परेका उनलाई काठमाडौँ ल्याइए पनि आज म्याद थप गर्न नभ्याइएको नेपाल प्रहरीका केन्द्रीय प्रवक्ता, प्रहरी नायब महानिरीक्षक कुबेर कडायतले जानकारी दिए।
सुन तस्करी प्रकरणको सूचना सङ्कलनका लागि प्रहरीको एउटा टोली भारत गएको छ। प्रहरी वरिष्ठ उपरीक्षक दिनेशराज आचार्य हङकङ गएका छन्।
त्रिभुवन अन्तर्राष्ट्रिय विमानस्थलको भन्सार पास भएर तस्करी गरी लैजान लागेको उक्त सुन काठमाडौँको सिनामङ्गलबाट साउन ३ गते राजस्व अनुसन्धान विभागले बरामद गरेको थियो। ‘ब्रेक शु’भित्र लुकाएर ल्याइएको उक्त सुन प्रकरणमा अहिलेसम्म प्रहरीले २६ जनालाई पक्राउ गरिसकेको छ।
ghanashyam 
राम अवतार चौधरी कपिलवस्तु, १४ माघ । गायक उत्तम चौधरी र अन्नु चौधरीको सुमधुर सांगीतिक स्वरमा सजिएको “दिल जिगर तुहि…
प्रतिक्रिया