ghanashyam 
१६ कार्तिक, पर्वत : जिल्ला प्रहरी कार्यालय कास्कीले लागूऔषधसहित दुई जनालाई फरक फरक स्थानबाट नियन्त्रणमा लिएको छ।
जिल्ला प्रहरी कार्यालय कास्कीका सूचना अधिकारी प्रहरी नायव उपरीक्षक श्रवणकुमार विकका अनुसार जिल्ला प्रहरी कार्यालय, वडा प्रहरी कार्यालय बैदाम र लागूऔषध नियन्त्रण ब्यूरो शाखा कार्यालय पोखराबाट खटिएको प्रहरी टोलीले पोखरा महानगरपालिका–१७ हरियाली टोलबाट २४ वर्षीय सुनिल पौडेललाई नियन्त्रणमा लिएको हो।
स्याङ्जाको आँधिखोला गाउँपालिका–५ स्थायी घर भई हाल पोखरा महानगरपालिका–१७ बरालफाँट बस्ने पौडेललाई हरियाली टोलमा शङ्कास्पद अवस्थामा फेला पारी खानतलासी गर्दा उनको साथबाट नाईट्रोभ्याट १० लेखेको ५३ चक्की लागूऔषध फेला पारेको हो। पक्राउ परेका पौडेलमाथि कास्की जिल्ला अदालतबाट अनुमति लिई लागूऔषध सम्बन्धी मुद्दामा अनुसन्धान भइरहेको छ।
यस्तै जिल्ला प्रहरी कार्यालय कास्की, वडा प्रहरी कार्यालय बैदाम र लागूऔषध नियन्त्रण ब्यूरो शाखा कार्यालय पोखराबाट खटिएको प्रहरी टोलीले स्याङ्जाकै वालिङ नगरपालिका–५ स्थायी घर भएका २३ वर्षीय किशोर गुरुङलाई पनि नियन्त्रणमा लिएको छ।
पोखरा महानगरपालिका–७ माछापुच्छ्रे मार्ग बस्ने गुरुङ बस्दै आएको कोठामा खानतलासी गर्दा नाईट्रोभ्याट १० लेखेको दुई हजार तीन सय ४० चक्की फेला पारिएको कास्की प्रहरीले बताएको छ। गुरुङमाथि थप अनुसन्धानको लागि कास्की जिल्ला अदालतबाट अनुमति लिएर प्रक्रिया चलिरहेको छ।
ghanashyam 
राम अवतार चौधरी कपिलवस्तु, १४ माघ । गायक उत्तम चौधरी र अन्नु चौधरीको सुमधुर सांगीतिक स्वरमा सजिएको “दिल जिगर तुहि…
प्रतिक्रिया