ghanashyam 
काठमाडौँ : अर्थमन्त्री एवं नेपाली काँग्रेसका नेता डा. प्रकाशशरण महतले जनताबाट स्थापित वर्तमान प्रणाली कमजोर नरहेको बताएका छन्।
बुधवार पार्टी सभापति शेरबहादुर देउवाको निवास धुम्बाराहीमा बसेको पदाधिकारी बैठकपछि सञ्चारकर्मीसँग कुरा गर्दै उनले यस्तो बताएका हुन्। उनले वर्तमान संघीय, लोकतान्त्रिक गणतन्त्रात्मक व्यवस्था प्रतिगामरूले सोचेभन्दा बलियो रहेको बताए।
उनले राजनीतिमा धेरै खाले अप्ठ्यारा आउने र त्यसलाई पन्छाउँदै जानुपर्ने बताए। उनले लोकतान्त्रिक मूल्य, मान्यता र कानूनी शासनलाई संरक्षित गर्दै सुशासन, समृद्धि र विकासमा प्रतिबद्ध रहेको बताए।
उनले भने, ‘नेपाली काँग्रेस लोकतान्त्रिक मूल्य र मान्यता कानूनी शासनमा विश्वास गर्दछ। त्यसलाई संरक्षित गर्दै त्यसको सम्पूर्ण रूपमा प्रत्याभूति दिँदै सुशासन, समृद्धि र विकासमा प्रतिबद्ध छ। जनताबाट स्थापित यो सिस्टम यो यति कमजोर छैन। जसले जानीजानी बेठाउँमा लगानी गर्ने, दुरुपयोग गर्ने र तिर्दिनँ भन्नेलाई छुट दिन सकिँदैन तर कोसिस गर्दागर्दै पनि समस्यामा परेकालाई राज्यले हेर्नुपर्छ।’
अर्थमन्त्री महतले बैठकमा आसन्न महासमितिको बैठकको तयारीका बारेमा छलफल भएको बताए।
ghanashyam 
राम अवतार चौधरी कपिलवस्तु, १४ माघ । गायक उत्तम चौधरी र अन्नु चौधरीको सुमधुर सांगीतिक स्वरमा सजिएको “दिल जिगर तुहि…
प्रतिक्रिया