ghanashyam 
नारद कोहार
तौलिहवा (कपिलबस्तु), फागुन २२ गते । कपिलबस्तु नगरपालिकामा सातौं नगर स्तरीय मेयर कप प्रतियोगिता सुरु भएको छ । प्रतियोगिताको उद्घाटन लुम्बिनी प्रदेशका प्रदेश सभा सदस्य सुधाकर पाण्डेयले गर्नुभएको हो ।
सो अवसरमा बोल्दै प्रदेश सभा सदस्य पाण्डेयले खेलले खेलाडीहरुलाई नगर, प्रदेश र केन्द्र स्थतरमा पहिचान बनाउन धेरै भूमिका खेल्ने बताउनुभयो । गाँउ गाँउमा रहेको खेलाडीहरुको प्रतिभा एवम् कला देखाउन मेयर कपले ठुलो सहयोग पुग्ने उहाँको भनाइ छ ।
नगर प्रमुख पौडेलले क्रिकेट खेलाडीको क्षमता विकासको लागि प्रतियोगिताको आयोजना गरिएको बताउनुभयो । पछिल्लो समय नेपालमा लोकप्रिय बन्दै गएको क्रिकेट खेलमा उत्कृष्ट प्रदर्शन गर्ने खेलाडीलाई प्रदेश र राष्ट्रिय स्तरमा पुर्याउने उद्देश्यले मेयर कपको आयोजना गरिएको उहाँको भनाइ छ ।
खेलाडीहरुलाई प्रोत्साहित गर्न नगरपालिकाको १२ वडाका १२ टिमलाई किट्स र जर्सी सहित खेल सामाग्री प्रदान गरिएको खेल सञ्चालन तथा व्यवस्थापन समितिका संयोजक दिरेप कुमार चौधरीले बताउनुभयो।
बुद्ध पद्म माध्यमिक विद्यालयको खेलमैदानमा सञ्चालन भएको प्रतियोगिता फागुन २८ गतेसम्म चल्ने छ । प्रथम हुनेलाई ५० हजार, द्वीतिय हुनेलाई ३० हजार नगद सहित मेडल, ट्रफि र प्रमाणपत्र प्रदान गरिने छ । कार्यक्रममा कपिलबस्तु नगरपालिका १२ वटै वडाका वडाध्यक्षहरु, कपिलबस्तुका प्रहरी उपरिक्षक नवरत्न पौडेल, शसस्त्र प्रहरी उपरिक्षक रामजंग पाण्डे लगायतको सहभागिता थियो ।
ghanashyam 
राम अवतार चौधरी कपिलवस्तु, १४ माघ । गायक उत्तम चौधरी र अन्नु चौधरीको सुमधुर सांगीतिक स्वरमा सजिएको “दिल जिगर तुहि…
प्रतिक्रिया