ghanashyam 
कृष्णनगर, ५ असार ।
कपिलवस्तुकाे कृष्णनगरमा भन्सार एजेन्ट, सुरक्षाकर्मी र सराेकारवालाहरुसँग अन्तरक्रिया कार्यक्रम सम्पन्न भएको छ । नेपाल सरकार कृषि तथा पशुपंछी विकास मन्त्रालय प्लान्ट क्वारेण्टिन तथा विषादी व्यवस्थापन केन्द्र कपिलवस्तुकाे आयाेजनामा साे अन्तरक्रिया कार्यक्रम गरिएको हाे ।
निर्यातकाे लागि सम्बन्धित निकाय र सराेकारवालाहरुले खेल्नुपर्ने भूमिकाकाे विषयमा एक दिने अन्तरक्रिया कार्यक्रमकाे आयाेजना गरिएको वरिष्ठ बाली संरक्षण अधिकृत बुद्धि भट्टराईले जानकारी दिए ।
कार्यक्रममा खाद्य सुरक्षाको सुनिश्चितता गर्ने, उत्पादन र स्वदेशी उद्योगको प्रोत्साहन दिने र उपभोक्ताको प्रतिस्पर्धी मूल्य एवम् गुणस्तरका अत्यावश्यक वस्तु सहज र सुलभ रूपमा प्राप्त गर्न सक्ने गरी बजार निर्माताको भूमिका खेल्ने, उपलब्ध स्रोतसाधनको अधिकतम उपयोग तथा व्यावसायिक क्रियाकलाप विस्तार गर्दै दिगो आयआर्जन गर्ने गर्ने लगायत विषयमा अन्तरक्रिया गरिएको उनले बताए ।
औद्योगिकीकरण र निर्यात अभिवृद्धिको नयाँ मोडलमा जानुपर्ने आवश्यकता, सार्वजनिक संस्थानहरूमा निर्यात एकाइ स्थापना गरी निर्यातकार्यमा संलग्न गराउने, नयाँ सम्भावना भएका क्षेत्रमा स्थापित सार्वजनिक संस्थानको कार्यक्षेत्र विस्तार गरी क्रियाशील तुल्याउन र निर्यातमा राम्रो सम्भावना भएका वस्तुका सम्बन्धमा निजी सार्वजनिक साझेदारीमा नयाँ कम्पनीहरू स्थापना गरी निर्यात अभिवृद्धिमा सहयोग पुर्याउन जरुरी देखिएकाेले सराेकारवालासँग अन्तरक्रिया कार्यक्रम गरिएकाे जनाइएको छ ।
कार्यक्रममा इलाका प्रशासन, भन्सार प्रमुख, इलाका प्रहरी कृष्णनगर, सशस्त्र प्रहरी कृष्णनगर लगायतकाे उपस्थितिमा अन्तरक्रिया गरिएको हाे ।
ghanashyam 
राम अवतार चौधरी कपिलवस्तु, १४ माघ । गायक उत्तम चौधरी र अन्नु चौधरीको सुमधुर सांगीतिक स्वरमा सजिएको “दिल जिगर तुहि…
प्रतिक्रिया