Trending
समाज निःशुल्क शिक्षा ऐन कार्यान्वयनको खाका छिट्टै आउँछ : शिक्षामन्त्री भट्टराई अन्तर्राष्ट्रिय इजरायली प्रधानमन्त्रीको दबाब बढाउने वाचापछि गाजामा घातक हमला आर्थिक उद्योगी व्यवसायीलाई पनि सरकारी वरीयताक्रममा राख्नुपर्छ : चन्द्र ढकाल राजनीति वरिष्ठ अधिवक्ता बडाल महान्यायाधिवक्तामा नियुक्त अन्तर्राष्ट्रिय अफगानिस्तानमा वर्षा र असिनाले ३५ जनाको मृत्यु, २३० घाइते समाज देशभरका विभिन्न सवारी दुर्घटनामा पाँच जनाको मृत्यु राजनीति ललितपुर महानगरले उठायो लक्ष्यभन्दा बढी राजस्व राजनीति सिमलताल घटना : कार्यदलले काम थाल्यो समाज मोहर्रम पर्व मनाउँदै मुस्लिम समुदाय समाज वायुसेवा निगमले तिर्‍यो ४३ कराेड ९ लाख ऋण

बलिया दललाई पाखा लगाए नेपालको राजनीति सही बाटोमा जान्न : महासचिव पोखरेल


दाङ : नेकपा एमालेका महासचिव शंकर पोखरेलले बलिया राजनीतिक दलहरूलाई पाखा लगाए नेपालको राजनीतिक सही बाटोमा नजाने बताएका छन्।

शनिवार तुलसीपुर ११ हसनापुरमा दाङका कम्युनिष्ट आन्दोलनका योद्धा श्रीमणी आचार्यको शालिक अनावरण कार्यक्रमलाई सम्बोधन गर्दै उनले यस्तो बताएका हुन्।

अमेरिका, बेलायत जस्ता देशमा सयौँ वर्षदेखि थोरै दलहरू हुँदा उनीहरु अगाडि बढेको भन्दै उनले अब नेपालमा धेरै पार्टीहरू नभइ बलिया र थोरै पार्टीहरूको खाँचो रहेको बताए। विकास र समृद्धिका लागि थोरै र बलिया पार्टीहरू हुनुपर्ने उनको तर्क थियो।

उनले भने, ‘नेपालमा कांग्रेस पनि भएन, एमाले पनि भएन, भनेर नानाथरिका पार्टीहरू खोल्नु भनेको देशलाई बरबाद पार्ने र समाजलाई अलमल्याउने कुरा हो।’

यस्तै उनले कुनै एउटा क्षेत्रमा थोरै चर्चा हुने बित्तिकै त्यसले राजनीतिको सपना देख्न थाल्ने गरेको भन्दै राजनीति भनेको त्याग, तपस्या र बलिदानबाट गुज्रने चिज हो भन्ने कुरा थाहा नपाएर राजनीति गर्दा त्यो सफल नहुनेसमेत दावी गरे।

उनले भने, ‘एउटा कुनै विद्यामा सफलता भएमा राजनीतिको पनि सफलता भइन्छ, भन्ने बुझाइ गलत हो। राजनीति भनेको आफ्नै मूल्य मान्यताको जगमा उभिएको हुन्छ, भन्ने कुरालाई बुझ्न जरुरी छ।’

उनले अहिले समाजमा मूलरधाराका राजनीतिक दलप्रति जुन प्रकारका अनास्था, अविश्वास पैदा गर्ने काम भएको छ, यो समाजलाई पछाडि धकल्ने काम भएको पनि उल्लेख गरे। उनले राजनीतिलाई विचारको जगमा ध्रुविकरण गर्ने कुरा नै उचित भएको बताए। यस्तै उनले राज्यको संरचनागत प्रश्नमा र लोकतन्त्रका आधारभूत मूल्यका प्रश्नमा कांग्रेस एमाले जस्ता पार्टीहरू एक ठाउँमा उभिन जरुरी रहेको बताए।

उनले भने, ‘यदि एक ठाउँमा नउभिए समाजलाई अस्थिरतातर्फ लैजानेहरू बलिया हुन सक्छन्। लोकतन्त्रका आधारभूत मूल्यहरूमा सदैव समझदारी र एक आपसमा विश्वास गर्नुपर्छ।

उनले नेपालको राजनीतिमा योगदान गरेका पार्टीहरू भित्र हेर्दा एमाले, कांग्रेस हुन् भन्ने कुरामा हिचकिचाउनु नपर्ने बताए। उनले भने, ‘कांग्रेस उदार प्रजातन्त्रको बाटोबाट अगाडि बढ्न चाहन्छ। हामी समाजवादको बाटोबाट अगाडि बढ्न चाहन्छौँ। यही चिजलाई बुझेर राजनीति गर्दा हुन्छ, को कता लाग्ने भन्ने कुराको निर्धारण यसैले गर्दछ।’

उनले स्वर्गीय श्रीमणी आचार्यलाई कसले कसरी बुझ्यो, भन्ने कुराको आ–आफ्नो भोगाइ र बुझाइ रहेको भन्दै हामी सबैको मानसपटलमा आचार्य जीवत् रहेको बताए। उनले आचार्यको कर्मले गर्दा आज जनताले आफैँ सालिक बनाएको भन्दै यो उदाहरणीय काम भएको बताए।

प्रतिक्रिया

रोचक

सबै
थारु भाषाको “दिल जिगर तुहि धडकन” अडियो म्युजिक सार्वजनिक ।।
माघ १४, २०७६

राम अवतार चौधरी कपिलवस्तु, १४ माघ । गायक उत्तम चौधरी र अन्नु चौधरीको सुमधुर सांगीतिक स्वरमा सजिएको “दिल जिगर तुहि…

Recent Posts

TOP