ghanashyam 
एजेन्सी
अस्ट्रेलियाका कृषि मन्त्रीले संसदले जिउँदो भेडाको निर्यातमा प्रतिवन्ध लगाउने गरेको निर्णयको स्वागत गरेका छन्। मन्त्रीपरिषद्ले एक सरकारी कानून पारित गर्दै सो निर्णय गरेको थियो। साथै जुनमा संसदको तल्लो सदनबाट पनि पारित भएपछि मे १, २०२८ सम्म अस्ट्रेलियाबाट जीवित भेडा निर्यातमा प्रतिबन्ध लगाइएको छ। २०२२ को आम चुनावमा लेबर पार्टीले सत्ता जित्ने क्रममा जीवित भेडाको निर्यातमा प्रतिबन्ध लगाउने प्रतिवद्धता गरेको थियो।
सरकारी तथ्याङ्कका अनुसार अस्ट्रेलियाको जीवित भेडा निर्यातको मूल्य सन् २००२–०३ मा ४१५ मिलियन अस्ट्रेलियन डलर (२७६.०४ मिलियन अमेरिकी डलर) बाट २०२२–२३ मा ७७ मिलियन अस्ट्रेलियन डलर (५१.२२ मिलियन अमेरिकी डलर) मा झरेको छ।
तुलनात्मक रूपमा, २०२२–२३ मा अस्ट्रेलियाको भेडाको मासु निर्यात ४.५ बिलियन अस्ट्रेलियन डलर (२.९९ बिलियन अमेरिकी डलर) थियो। जिउँदो भेडा निर्यात उद्योगका समर्थकले मंगलबार संसद भवनमा भेला भएर प्रतिबन्धको विरोध गरेका छन्।
पशुधन निर्यातक काउन्सिलको गैरसरकारी संस्थाका प्रमुख कार्यकारी मार्क हार्वे–सट्टनले प्रतिबन्ध पशु निर्यात समुदायको लागि विनाशकारी हुने र सरकार यस कदमबाट पछुताउने बताए।
ghanashyam 
राम अवतार चौधरी कपिलवस्तु, १४ माघ । गायक उत्तम चौधरी र अन्नु चौधरीको सुमधुर सांगीतिक स्वरमा सजिएको “दिल जिगर तुहि…
प्रतिक्रिया