ghanashyam 
कपिलवस्तु– इमान्दार र कर्तव्यनिष्ठ बताउने विद्युत प्राधिकरण तौलिहवा वितरण केन्द्र प्रमुख गौरब पाण्डे शंकास्पद आर्थिक कारोबारमा मुछिएका छन् । आफुलाई तत्कालिन उर्जा मन्त्री शक्ति बहादुर बस्नेतको खास मान्छे दाबी गर्ने आठौ तहका इन्जिनियर पाण्डे कार्यालयको फर्निचर खरिद, कार्यालय मर्मत संभार तथा बुशकटिङ्ग भुक्तानीमा मिलेमतो भएको देखिन्छ । विद्युत आपूर्तीमा चरम लापरवाही गर्ने देखि पदको दुरुपयोगको आरोप लागिरहेको बेला आर्थिक अनियमिततामा समेत पाण्डे मुछिएको विद्यतु श्रोत बताउछन् । बाहिरी आवरणमा इमान्दार देखिने पाण्डे सेवाग्राही संग कुनै रकम नलिएपनि सेवामा भने चरम लापरवाही गर्ने गरेका छन् । उनले कार्यालय भित्रको बजेटमा भने राम्रै तर मार्ने गरेको श्रोतको दाबी छ ।
कोहलपुरबाट फर्निचर खरिद ः स्थायी घर कोहलपुर भएका तौलिहवा वितरण केन्द्रका हाकिम गौरब पाण्डेले कार्यालयका लागि आवश्यक पर्ने फर्निचरहरु कोहलपुरबाटै खरिद गरेका छन् । उनले आ.ब. ८०÷८१ को बजेट बाट ३ लाख भुक्तानी दिने र आ.ब. ८१÷८२ बाट २ लाख दिने गरि करिब ५ लाखको फर्निचर खरिद गरेको श्रोतको दाबी छ । उक्त फर्निचरहरु हाल प्रयोगै नगरी कार्यालय परिसरको नयाँ भवन भित्र राखिएको छ । इन्जिनियर पाण्डेले कोहलपुरका फर्निचर व्यवसायी संग आर्थिक कमिशन लिई उक्त सामान खरिद गरेको आरोप छ । कोहलपुर स्थित कोहलपुरको आदेश फर्निचर, स्वर्गद्धारी फर्निचर तथा एचएस सप्लायर्सबाट उनले कार्यालय प्रयोजन भन्दै सामाग्री खरिद गरेको हुन् । जस मध्ये ३ लाख रकम भुक्तानी भइसकेको छ भने अन्य बाँकी छ । तौलिहवा सदरमुकाम तथा जिल्लाभरी नै दर्जनौ फर्निचर सप्लायर्स हुदाँहुदै कोटेशन समेत नलई २०७ किमी टाढा गई बजार दररेट भन्दा महंगोमा सामान खरिद गरिनुले अनियमितता पुष्टि हुने प्रयाप्त आधार देखिन्छ ।
टेन्डर गर्ने काम सबै कोटेशनमा ः विद्युत प्राधिकरण तौलिहवा वितरण केन्द्रको नयाँ भवन निर्माणकै क्रममा ठेकेदारले ठेक्का तोडेपछि बाँकी रहेका कार्यहरु सम्पन्न गर्न पुनः ठेक्का गर्नुपर्नेमा इन्जिनियर पाण्डेले स्थानीय एक ठेकेदारलाई कोटेशनमै काम गराइरहेका छन् । स्थानीय बुद्धिराम गोसाईलाई १ लाख भित्र पर्ने गरि गत आ.ब.मै ५ वटा कोटेशनमा काम गराइसकेका छन् । आवश्यकै नभएको पर्खाल मर्मत भन्दै उनले २ लाखको काम गराएका थिए । गोसाईको रबी निर्माण सेवा तथा गोसाइकै अन्य फर्म लाई नयाँ भवनको अधुरा कार्य भन्दै ३ लाख बढिको काम गराएका छन् भने केहि काम चालु आ.ब.को बजेट बाट कोटेशनमै दिने योजना रहेको बताइन्छ । कोटेशनको कामबाट ३० प्रतिशत हाकिमलाई दिनुपर्ने र ७० प्रतिशतमा काम गर्ने र बचाउदा खासै नाफा नभएको ठेकेदार गोसाइले केहि कर्मचारी संग गुनासो समेत गरेका थिए ।
घर भन्दा पर्खाल प्राथमिकतामा ः कार्यालय प्रमुख बस्ने निवास जीर्ण भएको र मर्मत गर्नुपर्ने भन्दै कार्यालय देखि १५ किमी टाढा ओदारीमा मासिक १५ हजार भाडामा फ्ल्याट लिएर बसेका इन्जिनियर पाण्डेले मर्मत संभार रकमले घर मर्मत गर्नु भन्दा पर्खाल मर्मत गरेका छन् । उनले सामान्य मर्मत गरेर बस्न मिल्ने घर छाडेर २ लाख रकमले पर्खाल मर्मत गरेका छन् भने मासिक १५ हजार भाडा तिरेर ओदारीमै बसेका छन् । राज्यकोषको १५ हजार मात्र होइन दैनिक ३० किमी आउजाउ गर्दा लाग्ने इन्धन समेत दुरुपयोग गरेको कर्मचारीहरु बताउछन् ।
ghanashyam 
राम अवतार चौधरी कपिलवस्तु, १४ माघ । गायक उत्तम चौधरी र अन्नु चौधरीको सुमधुर सांगीतिक स्वरमा सजिएको “दिल जिगर तुहि…
प्रतिक्रिया