ghanashyam 
काठमाडौं : पोखरामा बिहान भएको बस दुर्घटनामा परेर दुई जनाको मृत्यु भएको छ। एलपी देवकोटा मेमोरियल इङ्लिस स्कुलको बस दुर्घटना हुँदा सोही विद्यालयकी कर्मचारी ३३ वर्षीया आरती विक र उनकै छोरा अन्दाजी पाँच वर्षीय प्रिन्सको पनि मृत्यु भएको हो।
दुर्घटनामा घाइते उनीहरूलाई उपचारका लागि गण्डकी मेडिकल कलेज पुर्याइएकोमा त्यही उपचारका क्रममा मृत्यु भएको हो। बसमा सवार अन्य घाइतेहरूको पोखराका विभिन्न तीन अस्पतालमा उपचार भइरहेको प्रहरीले जनाएको छ।
एलपी देवकोटा मेमोरियल इङ्लिस स्कुलको बस ग१क ६२१९ नम्बरको विद्यार्थी बोकेको बस सडकबाट झन्डै ५० मिटर तल खसेको थियो। बसमा चालक, सहचालक, अभिभावक र विद्यार्थी गरी २३ जना सवार रहेको बताइएको छ।
बस दुर्घटना लगत्तै घाइतेहरुलाई उद्धार गरी गण्डकी मेडिकल कलेज, गण्डकी अस्पताल र मणिपाल शिक्षण अस्पतालमा लगिएको हो। दुर्घटनाको कारण खुल्न बाँकी रहेको र दुर्घटनाबारे थप अनुसन्धान भइरहेको प्रहरीले जनाएको छ।
ghanashyam 
राम अवतार चौधरी कपिलवस्तु, १४ माघ । गायक उत्तम चौधरी र अन्नु चौधरीको सुमधुर सांगीतिक स्वरमा सजिएको “दिल जिगर तुहि…
प्रतिक्रिया