रसुवागढी नाका हुँदै कैलाश मानसरोवर जानेको संख्या बढ्यो

काठमाडौं : रसुवागढी नाका हुँदै कैलाश मानसरोवर जाने यात्रुको संख्या बढेको छ। गत जेठदेखि भदौ २५ सम्म मानसरोवर कैलाश धार्मिकयात्राका लागि सात हजार ५२३ जना तीर्थयात्रुले रसुवागढी मार्गबाट धार्मिक-यात्रा गरेका छन्।

रसुवागढीस्थित अध्यागमन कार्यालय टिमुरेका प्रमुख मुरारी निरौलाका अनुसार कैलाशयात्रा गर्ने यात्रीमध्ये ६० प्रतिशत नेपाली तथा ४० प्रतिशत अष्ट्रेलिया, अमेरिका, क्यानडा र बेलायत बस्ने गैरआवासीय नेपाली नागरिक छन्। उनीहरूको साथमा करिब २०० अन्य देशका पर्यटकसमेत मानसरोवर कैलाश गएको अध्यागमन कार्यालयले जनाएको छ।

काठमाडौंबाट टिमुरे तथा स्याफ्रुबेसीका लागि दुई हजार १० यात्रु हेलिकप्टरबाट र अन्य यात्रु मोटरमार्फत स्थलमार्गबाट रसुवागढी पुगेका छन्। रसुवागढी नाकाबाटै एक हजारभन्दा बढी विदेशी पर्यटक ल्हासातर्फ गएका छन्।

मानसरोवर कैलाश जानका लागि भारतीय नागरिक भने नआएको अध्यागमन कार्यालयले जनाएको छ।

रोचक

सबै

• 

  ” #मेरोभरौल” -कविता

  अशोज ७, २०७७

• 

  गर्लफ्रेन्ड भाडामा पाईने देश

  चैत्र ११, २०७६

थारु भाषाको “दिल जिगर तुहि धडकन” अडियो म्युजिक सार्वजनिक ।।

माघ १४, २०७६

राम अवतार चौधरी कपिलवस्तु, १४ माघ । गायक उत्तम चौधरी र अन्नु चौधरीको सुमधुर सांगीतिक स्वरमा सजिएको “दिल जिगर तुहि…