कृष्णनगरमा ३ सय ४० जनालाई गाउँ ब्लकको पुर्जा वितरण

कृष्णनगर, १८ असोज ।
कपिलवस्तुको कृष्णनगर नगरपालिका–१२ हृदयनगरमा गाउँ ब्लक जग्गाको जग्गा धनी दर्ता प्रमाण पुर्जा वितरण गरिएको छ । ३ सय ४० जना जग्गा धनीलाई गाउँ ब्लक जग्गाको प्रमाण पुर्जा वितरण गरिएको नापी विभाग कार्यालय कपिलवस्तुका महानिर्देशक प्रकाश जोशीले जानकारी दिए ।

पुस्तौँदेखि भोगचलन गर्दै आएका नागरिकलाई भूमि व्यवस्था, सहकारी तथा गरिबी निवारण मन्त्री बलराम अधिकारीले शुक्रबार गाउँ ब्लक जग्गाको प्रमाण पुर्जा वितरण गरेका हुन् । आफ्नो जग्गा भएर पनि दशकौँदेखि भूमिहीन बनेका गाउँ ब्लकका बासिन्दालाई सरकारले जग्गा धनी पुर्जा वितरण गरिरहेको छ । लामो समयदेखि गाउँ ब्लकमा रहेका तर पुर्जा पाउन नसकेका परिवारलाई भूमि व्यवस्था, सहकारी तथा गरिबी निवारण मन्त्रालय अन्तर्गत नापी विभाग कार्यालय कपिलवस्तुले धग्गा धनी पुर्जा वितरण गरेको हो ।

भूमि व्यवस्था, सहकारी तथा गरिबी निवारण मन्त्री बलराम अधिकारीले आफ्नो ठाउँ आफै बनाउने चिन्तन गर्न आवश्यक रहेको बताएका छन् । उनले सरकारबाट जति धेरै लिन सकिन्छ त्यति लिने बताउँदै स्थानीय स्रोत, साधन र श्रम जोडेर आफ्नो ठाउँ आफै बनाउनुपर्नेमा जोड दिए ।

राष्ट्रिय भूमि आयोगले भूमिहीन, दलित, सुकुम्बासी र अव्यवस्थित बसोवासीलाई समेत जग्गाधनी पुर्जा वितरण कार्यलाई मन्त्रालय लगायत सम्बन्धित निकायमा पहल भइरहेको मन्त्री अधिकारीको भनाइ छ । उनले बाल बिटौरीको पुर्जा वितरण कार्य कानुनी जटिलताले रोकिएको बताउँदै विस्तारै उक्त जग्गाको पुर्जा समेत वितरण हुने बताए ।

यस्तै पुस्तौँदेखि भोगचलन गर्दै आएका वडा नम्बर वडाबासीलाई जग्गा धनी पुर्जा (लालपुर्जा) वितरण गरिएको नगर प्रमुख शाहले जनाए । लामो समयपछि नगरपालिकाको पहलमा गाउँ ब्लक जग्गाको लालपुर्जा वितरण कार्यको सुरुवात भएको उनको भनाइ छ । पुस्तौँपुस्ता बिताएको जमिनको जग्गा धनी पुर्जा पाएपछि जग्गाको अधिकारविहीन भएर बस्नु परेको अवस्थाको अन्त्य भएको उनले बताए । गाउँ ब्लकको लालपुर्जा वितरण हुनु वडाबासीका लागि ठूलो उपलब्धी भएको उनले बताए ।

वर्षौदेखि भोगचलन गर्दै आएका जग्गा धनी पुर्जा पाएपछि सेवाग्राहीहरू खुसी भएको प्रतिक्रिया दिएका छन् ।

रोचक

सबै

• 

  ” #मेरोभरौल” -कविता

  अशोज ७, २०७७

• 

  गर्लफ्रेन्ड भाडामा पाईने देश

  चैत्र ११, २०७६

थारु भाषाको “दिल जिगर तुहि धडकन” अडियो म्युजिक सार्वजनिक ।।

माघ १४, २०७६

राम अवतार चौधरी कपिलवस्तु, १४ माघ । गायक उत्तम चौधरी र अन्नु चौधरीको सुमधुर सांगीतिक स्वरमा सजिएको “दिल जिगर तुहि…