ghanashyam 
काठमाडौँ : उपप्रधानमन्त्री एवं शहरी विकासमन्त्री प्रकाशमान सिंहले वातावरणमैत्री र प्रकृतिमैत्री प्रविधिको प्रयोग गरेर विकास निर्माणका काम गर्नुपर्ने बताएका छन्।
बिहीवार काठमाडौँमा प्रादेशिक र स्थानीय सडक सुधार कार्यक्रमको एमओयु हस्ताक्षर कार्यक्रमलाई सम्बोधन गर्दै मन्त्री सिंहले जथाभावी सडक तथा बाटो निर्माण गर्दा बाढी पहिरोजस्ता प्राकृतिक विपद्को सामना गर्नुपरेको बताएका हुन्। उनले गत असोजमा आएको बाढी, पहिरोले बाटो र सडक निर्माण गर्नु मात्र विकास र समस्याको समाधान होइन भन्ने पुष्टि गरेको बताए।
नेपालको भौगोलिक अवस्थितिको अध्ययन गरेर मात्र विकास निर्माणका काम गर्नुपर्ने भन्दै हतारमा मेसिनको प्रयोग गर्नु घातक हुने बताए। देशको भौगोलिक अवस्थितिबारे गम्भीर रूपमा सोच्न जरुरी रहेको उल्लेख गरे। तीन तहकै सरकार मिलेर काम गरेमात्रै सोचेअनुरूपको नतिजा निस्किने बताए। विकासका लागि सडक शुरुवाती बिन्दु रहेको भन्दै प्रविधिमैत्री सडक बनाउने कुरामा लाग्न जोड दिए।
मन्त्री प्रकाशमान सिंहले भने, ‘जुन बाटो हामीले बनाइरहेका छौँ‚ त्यसका कारण भूक्षय हुने, बाढी पहिरो जाने समस्या देखिरहेका छौँ। बाटो र सडक निर्माण मात्र विकास निर्माण र समस्याको समाधान होइन भन्ने गत असोजमा गएको बाढीपहिरोले पुष्टि गरिसकेको छ। त्यसकारण अब हामीले वातावरण र प्रकृतिमैत्री प्रविधि प्रयोग गरेर बाटा निर्माण गर्नु प्रभावकारी र राम्रो हुन्छ भन्ने मेरो बुझाइ छ।’
नेपालमा सडक तथा बाटो निर्माण गर्दा मेसिनहरूभन्दा जनशक्ति उपयोग गरेर निर्माण गर्दा दिगो एवं प्रकृतिमैत्री हुने उनले बताए।
ghanashyam 
राम अवतार चौधरी कपिलवस्तु, १४ माघ । गायक उत्तम चौधरी र अन्नु चौधरीको सुमधुर सांगीतिक स्वरमा सजिएको “दिल जिगर तुहि…
प्रतिक्रिया