ghanashyam 
काठमाडौं : विकसित देशहरुले जलवायु परिवर्तनको असर सामना गरिरहेका विकासशील देशहरुलाई ३ सय बिलियन डलर रकम दिने सहमति भएको छ।
अजरबैजानको बाकुमा भएको जलवायु परिवर्तनसम्बन्धी संयुक्त राष्ट्र संघीय सम्मेलन कोप–२९ मा जलवायु परिवर्तनको सामना गर्न र रोकथामका लागि उक्त सहयोग उपलब्ध गराउने सम्झौतामा हस्ताक्षर भएको हो।
यो सहमतिका लागि सम्मेलन ३३ घण्टा लम्बिएको थियो । विकासशील देशहरुले कम्तीमा १ हजार बिलियन डलरको अडान राखेका थिए। विकसित देशहरु जलवायु परिवर्तनका असरबाट भएका क्षतिपूर्तिका लागि तत्काल तयार नहुँदा कतिपय विकासशील देशहरुले असन्तुष्टी जनाउँदै सम्मेलन बहिस्कार समेत गरेका थिए।
समग्रमा ३ सय अर्ब डलर सहायता दिने निर्णयले गरीब राष्ट्रहरुलाई जलवायु संकटसँग जुध्न सहयोग पुग्ने अपेक्षा गरिएको छ। सन् २०३५ सम्म यस्तो रकम बढाएर १ दशमलब ३ ट्रिलियन डलरसम्म पु¥याउने सहमति भएको छ।
यस सम्मेलनमा विकसित राष्ट्रहरूले जैविक इन्धनको प्रयोग घटाउने दिशामा ठोस प्रतिबद्धता चाहेका थिए, तर यसमा प्रगति हुन सकेन।
जलवायु परिवर्तनको संकटसँग जुझ्नका लागि यो सम्झौता एक महत्त्वपूर्ण कदम भए पनि, आगामी वर्षहरूमा यसको सफल कार्यान्वयनका लागि ठूलो चुनौती रहेको विश्लेषकहरूको भनाइ छ।
यो सम्मेलनमा नेपालले जलवायु परिवर्तनले मौसमजन्य घटनाहरुमा भएको बढोत्तरी तथा क्षति जस्ता विषयलाई प्राथमिकताका साथ उठाएको थियो।
ghanashyam 
राम अवतार चौधरी कपिलवस्तु, १४ माघ । गायक उत्तम चौधरी र अन्नु चौधरीको सुमधुर सांगीतिक स्वरमा सजिएको “दिल जिगर तुहि…
प्रतिक्रिया