काठमाण्डौ – नेपालकी प्रथम महिला प्रधानन्यायाधीश सुशीला कार्कीको अर्को परिचय पनि छ, साहित्यकारको । उहाँले लेखेको पहिलो उपन्यास ‘कारा’ यसै साताबाट बजारमा आएको छ ।
कारा भनेको के हो ? उपन्यासकार कार्कीका शब्दमा, ‘कारा एउटा बन्धनको कथा हो । महिला कैदीहरुले भोगेको भौतिक कारागारको मात्र बन्धन होइन, समाजले उनीहरुलाई लगाउने गरेका अनेक बन्धनहरुको कथा यसले बताउँछ ।’
निरकुंश शासन व्यवस्थाविरुद्ध जनआन्दोलन सुरु भएको समयको सेरोफेरोको कथा बोल्ने यो उपन्यास जेलभित्रको बेग्लै निरकुंशताको कथा पनि हो । बेकसुरदारलाई कसुरदार बनाउने र कसुरदारलाई अझै असुर बनाउने व्यवस्थामा केही निरीह महिलाहरुले भोगेको लामो प्रताडना र यातनाको गाथा हो ‘कारा’ ।
‘लोकतान्त्रिक आन्दोलनका क्रममा म आफै जेल बस्दा र ३० वर्ष वकालत गर्दा धेरै सेवाग्राही कैदी र तिनका आफन्तका कथाहरु सुनेँ । देखें । त्यसले पनि मलाई यो उपन्यास लेख्न प्रेरित गरेको हो’, कार्कीले बताउनुभयो ।
पूर्व प्रधानन्यायाधीश कार्कीले न्यायिक जिम्मेवारीमा छ“दा देखे–भोगेका महिलाहरुका पीडा पनि उनको उपन्यासमा प्रतिविम्बित भएको पाइन्छ । अघिल्लो वर्ष प्रकाशित कार्कीको ‘न्याय’ नामको आत्मकथा धेरै पढिएका कृतिहरुमध्येमा पर्दछ ।
‘कारा’ किताब पब्लिसर्सले प्रकाशन गरेको नया“ पुस्तक हो । यसले पाठकहरुलाई फरक स्वाद दिने आफूहरुको अपेक्ष भएको किताब पब्लिसर्सकी प्रमुख कार्यकारी अधिकृत कल्पना ढकालले बताउनुभयो ।
राम अवतार चौधरी कपिलवस्तु, १४ माघ । गायक उत्तम चौधरी र अन्नु चौधरीको सुमधुर सांगीतिक स्वरमा सजिएको “दिल जिगर तुहि…
प्रतिक्रिया