मजा त्यति खेर छ !

सास फेर्नु मात्रै जिन्दगी हुँदैन साथी,

जिउनु को मजा त्यतिखेर छ, जतिबेला कमजोरका लागि हामी हात बढाउछौ !

आवाज निकाल्नु मात्रै बोलेको हुँदैन साथी,

बोल्नुको मजा त्यतिखेर छ, जब तिम्रो एक आवाज हजारौं आवाज विहिनहरुको एउटै स्वर बन्छ !

पाइला चाल्नु मात्रै हिंडेको हुँदैन साथी,

हिंड्नुको मजा त्यतिखेर छ, जब तिम्रो एक पाइलाले हजारौं माइलको यात्रा तय गर्छ !

ए ग्रेडका डिग्रीले मात्रै पढेको हुँदैन साथी,

पढ्नुको मजा त्यतिखेर छ, जब आफुले पढेको विषयले अरु थुप्रैको जीवन सार्थक बन्छ !

काम र तलब लिनु मात्रै जागीर हुँदैन साथी,

जागीर हुनुको मजा त्योबेला छ, जब आफ्नो जागीरे जीवन तिमिले विना भ्रष्टाचार बिताउन सक्छौ !

फेस्बुके पोष्ट्ले मात्रै देशभक्त हुँदैन साथी,

देशभक्तिको मजा त्योबेला छ, जब सिमा का लागि उठेका इट्टाहरुमा तिम्रो हात खाली रहदैन !

आँखा चिम्लनु मात्रै निदाएको हुँदैन साथी,

निदाउनुको मजा त्यो रातमा छ, जब बेलुकी भोक टार्ने सुर्ता बिहान खाने बेलामै सकिन्छ !

त्यसैले साथी , क्रान्तिकारी हरुलाई कहिल्यै न सोध्नु, के यस्तै चल्छ त जिन्दगी ? किनकी, सास फेर्नुलाइ मात्रै जिन्दगी मानिदैन साथी !!

सास फेर्नुलाई मात्रै जिन्दगी मानिदैन साथी !!

लेखक : शारदा भण्डारी अहिले राजनितिमा सक्रिय हुनुहुन्छ

    Tags: