दिपक के.सी.
कपिलवस्तु पौष, ५
कपिवस्तुको विजयनगर गाउँपालिका वडा ५ की एक महिलाले ट्याक्टरमा नै बच्चा जन्माएकी छन । सुत्केरी व्याथा लागेपछि लागेपछि अस्पताल ल्याउने क्रममा उनले ट्याक्टरमा नै बच्चा जन्माएकी हुन ।
विजयनगर गाउँपालिका वडा नं. ५ कटुवा गाउँकी उर्मिला कोरी शनिबार सुत्केरी व्याथाले छटपटाए पछि उनको परिवारले उनलाई सुत्केरी गराउन अस्पताल लाने सल्लाह भयो । व्याथा लागेकी की श्रीमतीलाई अस्पताल के मा लैजाने सरसल्लाह हुन लाग्यो । एम्बुलेन्समा लानु पर्ने तर विजयनगर गाउँपालिकामा नै एम्बुलेन्स नभए पछि घरमा रहेको ट्याक्टरमा उर्मिला ट्याक्टरमा नै राखि चन्द्रौटामा ल्याउने निधो गरे ।
एक त गर्भवती महिला त्यो पनि सुत्केरी व्याथाले च्यापेको अवस्थमा ट्याक्टरमा उफार्दै चन्द्रौटा ल्याइयो । अस्पताल नपुग्दै उर्मिलाले बच्चा जन्माइन । बाटोमा नै बच्चा जन्मेपछि अस्पताल नै नपुगि घर फर्किन लागेको उर्मिलाका श्रीमान विजय कोरीले बताए । बच्चा जन्मिहाल्यो अब किन अस्पताल लानु पर्यो उनले भने । गाउँपालिकामा गतिलो स्वास्थ्य संस्था नभएकोले आफुले डेलिभरी गराउन शिवराज नगरपालिका चन्द्रौटामा ल्याउनु परेको उनले बताए । गाउँपालिकाले हाल सम्म एम्बुलेन्स खरिद नगर्दाको पिडा आफु जस्तै अरु गाउँपालिका बासीको रहेको उनले बताए । भगवानको कृपाले मेरो श्रीमती र बच्चाको स्वास्थ्य अवस्था सामान्य छ नत्र यस्तो समस्यामा जे पनि हुनसक्थ्यो कोरीले भने ।
यता विजयनगर गाउँपालिकाले एम्बुलेन्स खरिद र संचालनका लागी प्रयास र पहल भने नगरेको होइन । यस आर्थिक बर्षमा एम्बुलेन्स खरिदका लागी गाउँपालिकाले १५ लाख बजेट विनियोजन गरेको गाउँपालिका अध्यक्ष गोपाल थापाले बताए । यस बर्ष दातृ निकायबाट सहयोग प्राप्त भयो भने २ वटा एम्बुलेन्स संचालन हुने अध्यक्ष थापाले बताए ।
राम अवतार चौधरी कपिलवस्तु, १४ माघ । गायक उत्तम चौधरी र अन्नु चौधरीको सुमधुर सांगीतिक स्वरमा सजिएको “दिल जिगर तुहि…
प्रतिक्रिया