पर्सा – वीरगन्ज महानगरपालिका-१२, ब्रम्ह्चोकमा रहेको श्री सिद्धि विनायक पूजा सामग्री उत्पादन उद्योगमा प्रहरीले आइतबार छापा मारेको छ ।
पूजा र खानका लागि उत्पादन गरिने शुद्ध घ्यूमा अखाद्य वस्तु मिलाइरहेको भन्ने सूचनाको आधारमा सोमेन्द्र सिंह राठौरको टाेलीले छापा मारेर अखाद्य घ्यू समेत बरामद गरेको छ ।
त्यस क्रममा डाल्डा, रंग तथा सुगन्धित रसायन प्रयोग गरी शुद्ध घ्यू उत्पादन गरिरहेको भेटिएको थियो ।
शुद्ध घ्यू भनेर प्रचारबाजी गर्दै उत्पादन गरिने श्री सिद्धि विनायक घ्यू नेपालभर बिक्री बितरण हुँदै आएको थियो । छापा मार्ने क्रममा अखाद्य वस्तु मिलाइएको भेटिएपछि त्यसमा प्रयोग गरिने सामानहरु प्रहरीले नियन्त्रणमा लिएको छ ।
प्रहरीले घ्यू उत्पादन गर्ने भाँडो, कच्चा पदार्थ तथा उत्पादन गरिएका घ्यू प्याक गरेर सिल मार्ने मेशिनलगायतका सामानहरु नियन्त्रणमा लिएको हाे ।
यस क्रममा प्रहरीले उद्योगसँग आवद्ध रमेश श्रेष्ठ र राम विलास नाम गरेका दुई जनालाई पक्राउ गरेको छ । पक्राउ परेका दुवै जनालाई जिल्ला प्रहरी कार्यालयमा लगेर आवश्यक अनुसन्धान अगाडि बढाइएको पर्सा प्रहरीले जनाएको छ।
राम अवतार चौधरी कपिलवस्तु, १४ माघ । गायक उत्तम चौधरी र अन्नु चौधरीको सुमधुर सांगीतिक स्वरमा सजिएको “दिल जिगर तुहि…
प्रतिक्रिया