चन्द्रौटा, १३ पौष
कपिलवस्तु क्षेत्र नं. ३ का प्रतिनिधिसभा सदस्य अभिषेक प्रताप शाहलाई कार्वाही नगरेको भन्दै स्थानियहरुले आन्दोलन गरेका छन । अभिनेता तथा राष्ट्रिय प्रजातन्त्र पाटी(सयुक्त)का केन्द्रिय सदस्य श्यामकुमार मिश्रालाई कुटपिट गरेको भन्दै स्थानियले कारवाहीको लागि माग गरेका छन । गत पुष ५ गते आफ्नै घरमा बोलाएर निर्घात कुटपिट गरेको सांसद शाहलाई आरोप लागेको छ ।
बुधवार देखी मिश्राका सर्मथकहरुले दैनिक रुपमा २ घण्टा चन्द्रौटा–कृष्णनगर सडकखण्डमा सवारी आवतजावतमा रोक लगाएका हुन । राष्ट्रिय प्रजातन्त्र पार्टी राप्रपाको नेतृत्वमा प्रहरीले सांसद शाह विरुद्धको मुद्धा दर्ता नगरेका आमहड्ताल गर्ने राप्रपा जिल्ला उपाध्यक्ष प्रेम संकर शुक्लाले बताउनुभयो । “यो पहिलो चरणको दबाव हो प्रशासनले कारवाही नगरे हामी आन्दोलनमा जान्छौं” शुक्लाले भन्नुभयो । प्रहरीले अहिले सम्म मुद्धा दर्ता नगर्नु अपराधीलाई संरक्षण गरेका भन्दै आक्रोश व्यक्त गर्नुभयो । सांसद शाहलाई नेपाली काग्रेसले बचाउन प्रयास गरिरहेको आरोप लगाइएको छ ।
सांसद शाह र उनका गाडीका चालक शशिकान्त कास्यपले कोठामा थुनेर कुटेको पीडित पक्षको भनाई रहेको छ । पटक पटक सांसद शाहले मिश्रालाई फोन गरेर बोलाएको कारण मिश्रा सांसद निवास पुगेको पीडित मिश्राले वताउनुभएको छ । मिश्राको शरीरमा गम्भीर चोटपटक भएका कारण बहादुरगंजमा रहेको शिवराज अस्पतालवाट बुटवल रिफर गरिएको थियो ।
मिश्राले सांसद शाह र उनका ड्राइभरले कुटपिट गरेको भन्ने जानकारी प्रहरीमा आएको कपिलवस्तुका प्रहरी उपरीक्षक दिपशम्शेर जबराले बताउनुभयो । घटनाबारे अनुसन्धान भइरहेको भन्दै दोषिलाई कारवाही गरिने उपरिक्षक जबराले वताउनुभयो ।
यता सांसद शाहले भने घटना भएको अर्का दिन विज्ञाप्ति सार्वजनिक गर्दै आफ्नो ड्राइभर र उनीबीच कुटपिट भएको तर आफुले न कुटेको बताउनुभयो । मिश्राले मदिरा सेवन गरेको कारण ड्राइभर सगँ बिवाद भएको वताउनुभएको छ । ‘मैले मिश्रा माथि हातपात तथा कुनै दुव्र्यवहार गरेको छैन,वरु श्याम मिश्राले नै मलाई अपशव्द प्रयोग गरी बेईज्जत गर्न खोजिएको हो’ सांसद शाहको विज्ञप्तिमा उल्लेख छ ।
राम अवतार चौधरी कपिलवस्तु, १४ माघ । गायक उत्तम चौधरी र अन्नु चौधरीको सुमधुर सांगीतिक स्वरमा सजिएको “दिल जिगर तुहि…
प्रतिक्रिया