काठमाडौं– पछिल्लो समय पार्किङ निषेधित क्षेत्रमा राखिएका सवारीसाधनमाथि कडाईका साथ कारवाही गर्दै आएको ट्राफिक प्रहरीले बहालवाला मन्त्रीको गाडीलाई पनि छाडेन ।
भौतिक पूर्वाधार तथा यातायात मन्त्री रघुवीर महासेठ चढ्ने बा २ झ ४८६२ नम्बरको गाडी ट्राफिक प्रहरीको कारवाहीमा परेको छ । बुधबार नयाँ बानेश्वरको सडक छेऊमा अनधिकृत रुपमा पार्किङ गरिएको मन्त्री महासेठको झण्डावाल गाडीमा ट्राफिक प्रहरीले ‘ह्वील लक क्लाम्प’ लगाएको हो ।
ट्राफिक प्रहरीले ‘नो पार्किङ’ क्षेत्रमा राखिएको गाडीलाई कारवाही स्वरुप ह्वील लक लगाएको स्रोतले बतायो । उक्त गाडीका चालकले एक हजार रुपैयाँ जरिवाना तिरेपछि छाडिएको ट्राफिक प्रहरीले जनाएको छ ।
गाडीमा मन्त्री महासेठ भने सवार नरहेको बताइएको छ । यद्यपि, मन्त्रीकै गाडी ट्राफिक प्रहरीको कारवाहीमा परेपछि भने सामाजिक सञ्जालमा व्यापक चर्चा चुलिएको छ ।
ट्राफिक प्रहरीले मन्त्रीको गाडीमा ह्वील लक लगाउँदै गरेको फोटो सामाजिक सञ्जालमा सार्वजनिक भएपछि मन्त्रीको आलोचना गर्नेहरुको भीड लागेको छ ।
अधिकांश फेसबुक प्रयोगकर्ताले मन्त्रीको गाडीमा ह्वील लक लगाउने ट्राफिक प्रहरीको प्रसंशा गरेका छन् । मदन मोहन श्रेष्ठ लेख्छन्, ‘सबै प्रहरी डरछेरुवा र घुस्याहा हुँदैनन् ।’
लक्ष्मण पाण्डे, अशिम के उपाध्याय, लक्ष्मण घिमिरे, सुवास अर्याललगायतले मन्त्रीको गाडीमा ह्वील लक लगाउने प्रहरीको जागिरको भविष्यप्रति चिन्ता व्यक्त गरेका छन् । केहीले ति ट्राफिकलाई वफादार, बहादुर र कामप्रति कर्तव्य निष्ठ प्रहरीको संज्ञा दिएका छन् ।
यसअघि गत असार ११ गते अनाधिकृत रुपमा पार्किङ गरिएको गृह प्रवक्ताको गाडीमा पनि ट्राफिक प्रहरीले ह्विल लक लगाएको थियो ।
राम अवतार चौधरी कपिलवस्तु, १४ माघ । गायक उत्तम चौधरी र अन्नु चौधरीको सुमधुर सांगीतिक स्वरमा सजिएको “दिल जिगर तुहि…
प्रतिक्रिया